Ընթացիկ Նորություններ

ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ

«Ձեռնարկությունների ինկուբատոր» հիմնադրամը (ՁԻՀ) փնտրում է Հանրային իրազեկման և հասարակայնության հետ կապերի (PR) պատասխանատու:  

Աշխատանքային պարտականություններ՝

• ՁԻՀ և ՁԻՀ կենտրոնների ծրագրերի/միջոցառումների մասին հրապարակումների համար տեղեկատվության պարբերական հավաքագրում, հրապարակումների պատրաստում և տարածում՝ համապատասխան կայքերի, սոցիալական հարթակների և/կամ էլեկտրոնային փոստի միջոցով։
• Համագործակցություն ծրագրերի/միջոցառումների շրջանակում ներգրավված SMM/PR այլ մասնագետների հետ, հավաքագրված տեղեկատվության ժամանակին փոխանցում։ Պատրաստվող նյութերի վերաբերյալ հետադարձ կապի ապահովում։ Հրապարակումների օրացույցի վարում։
• Ընթացիկ իրադարձությունների վերաբերյալ նյութերի (հակիրճ նկարագիր, լուսանկար և այլն) պատրաստում և հանրայնացման ապահովում։
• Սոցիալական էջերին ուղղվող հաղորդագրությունների արագ արձագանքման ապահովում։
• Գործընկերային և/կամ հովանավորչական փաթեթներում նշված հանրային իրազեկման պարտավորվածությունների իրականացման ապահովում և մշտադիտարկում։ 
• Սոցիալական հարթակներում տեղադրված հրապարակումների դիտումների և տարածումների (share) մշտադիտարկում։ 
• Տպագիր և այլ հրապարակային նյութերում ՁԻՀ-ի մասին հիշատակման և  տարբերանշանների կիրառման կարգի պահպանման ապահովում և մշտադիտարկում։
• ԶԼՄ-ների հետ սերտ համագործակցության ապահովում։ Մամուլի հաղորդագրությունների պատրաստում և տարածում։ Լուսաբանումներում տեղեկատվության իսկության, կիրառվող նկարների և տարբերանշանների օգտագործման մշտադիտարկում  և, անհրաժեշտության դեպքում, շտկման ապահովում։
• Լուսաբանումների մոնիտորինգի իրականացում, պարբերական հաշվետվությունների ներկայացում։
• Հանրային իրազեկման մակարդակի որակական և ծավալային առաջխաղացման վերաբերյալ առաջարկությունների ներկայացում։

Անհրաժեշտ հմտություններ և ունակություններ՝

• Սոցիալական ցանցերում էջերի կառավարման ունակություն և փորձառություն (առնվազն՝ Facebook, Twitter, LinkedIn, Instagram);
• Կայքերի ադմինիստրատիվ կառավարման նվազագույն գիտելիքների և փորձառության առկայություն;
• Որակյալ և թիրախավորված բովանդակության մշակման և հրապարակման փորձառություն; 
• Համայնքի և էջի հետևորդների հետ կապի ու երկկողմանի շփման ապահովման ունակություններ; 
• ԶԼՄ ներկայացուցիչների հետ գործընկերային կապերի առկայություն կամ ստեղծման կարողություն;
• Լուսանկարահանման և լուսանկարների մշակման տարրական հմտությունների առկայություն;
• Բարձրագույն կրթություն;
• Հայերենի և անգլերենի՝ գերազանց, ռուսերենի՝ վարժ իմացություն (գրավոր և բանավոր)։

Հետաքրքրված անձինք կարող են ուղարկել իրենց ինքնակենսագրությունը (CV) և ուղեկցող նամակը [email protected] հասցեին՝ վերնագրի մեջ նշելով «PR»:

Հայտերն ընդունվում են մինչև 2021թ-ի դեկտեմբերի 10-ը (ներառյալ)։