Ընթացիկ Նորություններ

Աքսելերացիոն նոր ծրագիր հայկական ստարտափերի համար

01.03.2017

EIF-ը, ISTC-ին և Crosspring-ը հայտարարում են աքսելերացիոն նոր ծրագիր հայկական ստարտափերի համար

Ձեռնարկությունների ինկուբատոր հիմնադրամը (EIF) և Ինովացիոն լուծումների և տեխնոլոգիաների կենտրոնը (ISTC) հոլանդական Crosspring աքսելերատորի հետ հայտարարում են համատեղ աքսելերացիոն ծրագիր հայկական ստարտափերի համար նախատեսված: 

Աքսելերացիոն ծրագրի նպատակն է աջակցել հայկական ստարտափերի առաջխաղացումը եվրոպական շուկայում և նպաստել տեխնոլոգիական բիզնեսների զարգացմանը: Ծրագրին կմիանան և մասնակիցներին իրենց խորհուրդներով կուղորդեն նաև Crosspring-ի մենթորները: 

Մրցույթին կարող են մասնակցել հայկական ստարտափեր, որոնք ունեն արդեն մշակված արտադրանք և բիզնես նախագիծ հետևյալ ոլորտներում՝ 

• Արհեստական բանականություն
• Կիբերանվտանգություն 
• Հավելյալ իրականություն (AR)/ վիրտուալ իրականություն (VR)
• BI (Business Intelligence) / Big Data
• Ֆինանսական տեխնոլոգիաներ

Դիմորդները պետք է նաև հետաքրքրված լինեն ԵՄ շուկայով և ունենան պոտենցիալ այդ շուկայում աճելու համար:   

• Ընտրության հիմնական չափանիշներն են.
• Արտադրանքի նորարարություն
• Հմտությունների հավասարակշռվածություն թիմի անդամների միջև
• Արդադրանքի/տեխնոլոգիայի զարգացման մակարդակ
• Միջազգային զարգացման պլաններ՝ հատկապես եվրոպական շուկայում
• Ծրագրի/արտադրանքի մեծացման պոտենցիալ

Աքսելերացիոն ծրագրին կարող են մասնակցել առավելագույնը 12 թիմ: Այսնուհետև կկայանա Դեմո օր, որի ընթացքում կընտրվի 1-2 թիմ՝ Նիդեռլանդներ մեկնելու և Crosspring-ում 1 շաբաթ անցկացնելու, հոլանդական բիզնես միջավայրին ծանոթանալու, ինչպես նաև պոտենցիալ հաճախորդների ու բիզնես գործընկերների հանդիպելու համար:

Հետաքրքրված բոլոր ստարտափերը պետք է լրացնեն հետևյալ հայտադիմումը մինչև մարտի 15, 2017թ. https://goo.gl/forms/4PkcCUwMta6cenjk1: 

Մինչ այժմ Ձեռնարկությունների ինկուբատոր հիմնադրամի ակսելերացիոն և ինկուբացիոն ծրագրերին մասնակցել են 500 թիմ և կազմակերպություն, որոնց մեծ մասը ստեղծում է միջազգային շուկայի պահանջներին համապատասխան մրցունակ լուծումներ ու արտադրանք: 

Վերադարձ