14.05.2013
Հայտարարություն
Էլ.հասարակության և մրցունակության համար նորարարության ծրագիր
No: 7963-AM
ՀՀ ֆինանսների նախարարության “Արտասահմանյան ֆինանսական ծրագրերի կառավարման կենտրոն” պետական հիմնարկը հայտնում է, որ Համաշխարհային բանկի “Էլ.հասարակության և մրցունակության համար նորարարության” վարկային ծրագրի շրջանակում “Գյումրու տեխնոլոգիական կենտրոնի ղեկավար (մենեջեր)” /ԳՏԿ/ հանձնարարականի իրականացման համար խորհրդատուներ ընտրելու նպատակով հայտարարվում է անհատ խորհրդատուի ընտրության մրցույթ:
Այս հանձնարարականի հիմնական նպատակն է՝ ապահովել ԳՏԿ-ի պատշաճ ղեկավարումը, որը տեղական ընկերություններին և ձեռնարկություններին կտրամադրի տեխնիկական աջակցություն, ինկուբացիոն և բիզնես ծառայություններ, կնպաստի Գյումրիում նորարարության զարգացմանը:
Խորհրդատուն պետք է իրականացնի հետևյալ առաջադրանքները`
- աջակցի կենտրոնի հիմնադրման գործընթացին, այդ թվում՝ ԳՏԿ-ի վերանորոգման և կահավորման, սարքավորումների ձեռքբերման աշխատանքներին,
- մշակի ԳՏԿ-ի գործունեության տարեկան ծրագիր,
- իրականացնել ԳՏԿ-ի գործունեության կառավարումը և շենքի սպասարկումը,
- լավագույն փորձի կիրառմամբ իրականացնի ընկերությունների ինկուբացիոն գործունեություն, այդ թվում՝ վարձակալների ընտրություն, վարձակալ ընկերությունների աճեցում, ինկուբացիոն գործունեության գնային քաղաքականության մշակում, ֆինանսական միջոցների ներգրավման հնարավորությունների ընձեռում, վարձակալների վերապատրաստում և ցանցի ստեղծում,
- կառավարի ԳՏԿ-ի տեխնոլոգիական ընդլայնմանն ուղղված գործունեությունը՝ ներառյալ ուսումնական լաբորատորիաների գործունեության և ուսումնական ծրագրերի իրականացումը,
- իրականացնի կենտրոնի կողմից մատուցվող ծառայությունների արդյունավետու¬թյան ու արտադրողականության բարձրացմանն ուղղված աշխատանքներ, ինչը կնպաստի ԳՏԿ-ի վարձկալների թվի ավելացմանը, տեխնոլոգիական ընդլայնման գործունեության շրջանակում իրականացնել աշխատուժի զարգացման համար սահմանված ծրագրային նպատակները և բյուջեի մեծացմանն ուղղված գործողություններ,
- անհրաժեշտության դեպքում կատարի այլ գործառույթներ, որոնք կապահովեն կենտրոնի աշխատանքի արդյունավետությունը և այլն:
Ծառայությունները նախատեսվում է իրականացնել 2013թ. հունիսից` մեկ տարվա ընթացքում՝ հետագա երկարացման հնարավորությամբ:
Խորհրդատուն պետք է բավարարի հետևյալ որակավորման չափանիշներին և պետք է լինի/ունենա`
- եռանդուն, նպատակասլաց անձնավորություն՝ օժտված խնդիրների արագ լուծման, բանակցություններ վարելու և ղեկավարման հմտություններով,
- թիմակից, գործընկերների հետ արդյունավետ համագործակցող անձնավորություն,
- որևէ հանրահայտ բուհի կողմից ստացած մագիստրոսի կոչում, նախընտրելի է բիզնեսի կառավարում մասնագիտությամբ,
- միջին և բարձր օղակներում ղեկավարման առնվազն 5 տարվա աշխատանքային փորձ (փոքր, միջին կամ մեծ բիզնեսում),
- հիմնադրամի դրամական միջոցների հավաքագրման փորձառություն՝ քարոզարշավների, տարբեր միջոցառումների կազմակերպում, դրամաշնորհային ծրագրերի պատրաստում,
- դրամաշնորհային ծրագրերում մասնակցության հայտի պատրաստման, դոնոր կազմակերպությունների ներգրավման և դրամական միջոցների հավաքագրման հմտություններ,
- Հայերենի, ռուսերենի և անգլերենի գերազանց իմացություն,
- MS Office ծրագրի խորը իմացություն (Excel, Word, PowerPoint, Outlook):
Վերը շարադրված պահանջներին համապատասխանող անհատ խորհրդատուները կարող են մինչև սույն թվականի մայիսի 29-ը ներկայացնել հետաքրքրվածության գրություն և կենսագրական թերթիկ ստորև նշված հասցեով:
Հետաքրքրվածության հայտերը կարող են ներկայացվել նաև էլեկտրոնային փոստով:
ՀՀ Ֆինանսների նախարարության
“Արտասահմանյան ֆինանսական ծրագրերի կառավարման կենտրոն”
պետական հիմնարկի գործադիր տնօրեն` Է. Ավետյանին
Երևան 0010, Հանրապետության հրապարակ, Կառավարության տուն 1
Հեռախոս. (037410) 595-344, 595-343
Ֆաքս. (037410) 545-708
Էլ. փոստ. [email protected]
Վերադարձ
Հայտարարություն` ԳՏԿ մենեջեր 
