ՀԱՅՏԱՐԱՐՈՒԹՅՈՒՆ
Հետազոտական աշխատանքների ֆինանսավորման ծրագրի
2025 թվականի հայտերի ընդունման
«Ձեռնարկությունների ինկուբատոր» հիմնադրամը (ՁԻՀ), PMI Science Գիտահետազոտական կենտրոն Հայաստանի աջակցությամբ, ուրախ է հայտարարել Հետազոտական աշխատանքների ֆինանսավորման ծրագիր 2025-ը: Այս նախաձեռնությունը կոչված է խթանելու նորարարական հետազոտությունները, որոնք ուղղված են ոլորտի ներկա մարտահրավերներին՝ կամրջելով ակադեմիական հետազոտությունների և արդյունաբերության կարիքների միջև առկա բացը:
Ծրագիրը նպատակ ունի ֆինանսական և համակարգային աջակցություն ցուցաբերել կիրառական հետազոտական նախագծերին, որոնք իրականացվում են առաջատար համալսարանների, գիտահետազոտական ինստիտուտների, նորարարական նորաստեղծ ձեռնարկությունների և ապագային ուղղված ընկերությունների թիմերի կողմից:
Ընդունում ենք առաջարկներ հետևյալ ոլորտներում.
- Կապ. լուծումներ, որոնք ապահովում են շարունակական, դյուրին և ինտուիտիվ փորձառություն։
- Նոր նյութեր և բուսական բաղադրիչներ նոր փորձառությունների համար։
- Բարօրություն․ ֆիզիկական, մտավոր և սոցիալական բարօրություն։
- Առաջադեմ արտադրություն և ավտոմատացում։
Առաջարկները պետք է ընդգրկեն հետևյալ գիտական ոլորտները.
Կիրառական ֆիզիկա, նյութագիտություն, քիմիա, կենսատեխնոլոգիա և բուսաբանություն, ԱԲ և Տվյալների գիտություն:
Համապատասխանություն․
Ծրագիրը բաց է այն հետազոտական թիմերի համար, որոնք համապատասխանում են հետևյալ չափանիշներին.
- Բաղկացած է առնվազն 18 տարեկան առնվազն 3 անդամից, որոնք ներկայացնում են առաջատար գիտահետազոտական ինստիտուտներ, համալսարաններ, նորարարական նորաստեղծ ձեռնարկություններ, ապագայի տեսլականին ուղղված ընկերություններ կամ այլ համապատասխան կազմակերպություններ:
- Ներկայացնում է կիրառական արժեք և առաջնահերթ ոլորտներին համապատասխանող հետազոտական ծրագիր:
Կարճ ցուցակում ընդգրկված թիմերը կկարողանան ներկայացնել իրենց նախագծերը հարցազրույցի ընթացքում:
Ծրագրի կարևոր կետերը․
Հետազոտական ծրագրերը կարող են ունենալ իրականացման տարբեր ժամկետներ՝ 6 ամսից մինչև 1 տարի, մինչև 6 մլն ՀՀ դրամ ֆինանսավորմամբ՝ ներառյալ բոլոր հարկերը և պարտադիր վճարները։ Բացի այդ, ծրագիրը հարթակ է տրամադրում գործընկերություններ ստեղծելու և կիրառական հետազոտությունների արդյունքների առևտրայնացման հնարավորություններ զարգացնելու համար: Ընտրված թիմերը նաև հնարավորություն կունենան մասնակցելու բացառիկ ոլորտային միջոցառումների և սերտորեն համագործակցելու մենթորների և ոլորտի փորձագետների հետ:
Ինչպե՞ս դիմել։
Դիմելու համար հետևեք հետևյալ քայլերին.
- Լրացրեք առցանց հայտաձևը;
- Պատրաստեք և կցեք թիմի բոլոր անդամների համապարփակ ինքնակենսագրականները (CV);
- Պատրաստեք հետազոտական ծրագրի առաջարկ՝ հետևելով Հավելված 1-ում նշված ուղեցույցներին.
- Տրամադրեք աջակցության նամակ և հետազոտական սարքավորումների առկայության ապացույց համապատասխան հաստատություն(ներ)ից: Խնդրում ենք հետևել տրամադրված ձևաթղթին /առկայության դեպքում/։
Խնդրում ենք համոզվել, որ դիմումի բոլոր փաստաթղթերը ներկայացված են անգլերենով:
Վերջնաժամկետ. Հայտերի ներկայացման վերջնաժամկետն է 20-ը փետրվարի 2025թ․, ժամը 23:59 (Երևանի ժամանակով):
Նշում. Առցանց հայտաձև մուտք գործելու և լրացնելու համար անհրաժեշտ է Google օգտահաշիվ:
Խնդրում ենք դիմելուց առաջ ծանոթանալ սույն Գաղտնիության ծանուցմանը:
Հարցումների համար.
Կոնտակտային անձ՝ Արփինե Դավթյան
Էլ. փոստ՝ [email protected]
Հեռ.՝ +374 11 219797
* * *
PMI Science Գիտահետազոտական կենտրոն Հայաստանի մասին
Հայաստանի PMI Science Գիտահետազոտական կենտրոնը հիմնադրվել է 2018թ-ին: Լինելով Philip Morris International-ի ամենամեծ գիտահետազոտական կենտրոններից մեկը Շվեյցարիայի, Չինաստանի և Իտալիայի հետ մեկտեղ՝ Հայաստանում Գիտահետազոտական կենտրոնն ունի հետևյալ հիմնական կարողությունները.
Փորձարարական ճարտարագիտություն. կարևոր դեր է խաղում սարքերի արագ նախատիպավորման, չափորոշման և PMI արտադրանքների հաջորդ սերնդի փորձարկման մեջ: PMI-ի նյութերի գիտության, աերոզոլային հետազոտությունների և էլեկտրոնիկայի լաբորատորիաներն օգտագործվում են նախատիպերը բնութագրելու և փորձարկելու համար, ինչպես նաև կարևոր տվյալներ տրամադրելու գիտահետազոտական և մշակման այլ թիմերին ամբողջ աշխարհում:
Գերազանցության մաթեմատիկական կենտրոն /Math CoE /՝ տրամադրելով կարևոր գիտելիքներ/հնարավորություններ PMI Science Product-ի հետ կապված ամբողջ գործառույթների համար հետևյալ ուղղություններով.
- Մաթեմատիկա և ԱԲ
- Տվյալների գիտություն և տվյալների ճարտարագիտություն
- Վիճակագրություն և վերլուծություն
- Համակարգի գիտելիքների կառավարում
Math CoE-ն այսօր կարևոր դեր է խաղում PMI-ի արտադրանքի որակի և ապագայում ԱԲ-ի վրա հիմնված արտադրանքի փոխակերպման գործում:
Ինովացիոն կառավարում. Ինովացիոն կառավարման թիմի հետ PMI-ն ընդլայնում է իր ներքին հնարավորությունները՝ ունենալով Հայաստանի առաջարկած բոլոր նորարարությունները և փորձը: Գիտական, ճարտարագիտական և ՏՏ համայնքների PMI-ի բազմաթիվ գործընկերների հետ PMI-ն խթանում է նորարարությունը և ներմուծում այն PMI-ի արտադրանքի և առաջարկների հաջորդ տարբերակում:
«Ձեռնարկությունների ինկուբատոր» հիմնադրամի մասին
2002 թվականին հիմնված «Ձեռնարկությունների ինկուբատոր» հիմնադրամը (ՁԻՀ) Հայաստանում բիզնեսի զարգացման և ինկուբացիոն խոշորագույն գործակալություններից է: ՁԻՀ-ը կոչված է ստեղծելու արդյունավետ միջավայր նորարարության, ստարտափների ստեղծման, ՏՀՏ և բարձր տեխնոլոգիական ընկերությունների ավելի բարձր արտադրողականության և մրցունակության համար, ինչպես նաև խթանելու ՕՈՒՆ ներգրավումը և գլոբալ գործընկերությունները:
ՁԻՀ-ի գործունեությունն ու ծրագրերն ընդգրկում են ոլորտի զարգացման բոլոր ասպեկտները՝ ազգային ՏՀՏ քաղաքականության մշակումից և համաշխարհային շուկաներում ազգային ներկայացուցչությունների ստեղծումից մինչև ստարտափների համար հարմարեցված ծառայություններ, հմտությունների զարգացում և հետազոտական նախագծեր: Մենք գործում ենք որպես հանգույց ոլորտի բոլոր կազմակերպությունների համար՝ վերազգային ընկերուրություններ և փոքր ստարտափներ, պետական հաստատություններ և միջազգային կազմակերպություններ, և միավորում ենք նրանց բոլորին՝ համատեղ գործելու ՏՏ և ճարտարագիտության ոլորտներում գերազանցության վերջնական նպատակին հասնելու համար:
ՁԻՀ-ն ունի 22 տարվա փորձ ոլորտի հետ կապված ուսումնասիրությունների մշակման, ստարտափների աքսելերացիոն նախաձեռնությունների և R&D նախագծերի իրականացման, ողջ երկրի ընդգրկմամբ դասընթացների կազմակերպման, պետական-մասնավոր գործընկերության (PPP) նախագծերի մշակման և նոր հաստատությունների (վենչուրային հիմնադրամներ, տեխնոպարկեր և նորարարության/գերազանցության կենտրոններ) ստեղծման ասպարեզում։ ՁԻՀ-ն ունի արդյունաբերության և ԲՈՒՀ-երի օժանդակողի առանցքային դերակատարում ԲՈՒՀ-երի ձեռներեցային մշակույթի ձևավորման և Հայաստանում սկսնակ ձեռնարկությունների ինկուբացիայի համար:
Վերադարձ
Հետազոտական աշխատանքների ֆինանսավորման ծրագիր 2025 
