Ընթացիկ Նորություններ

02.10.2012

ՄԱՄԼՈ ՀԱՂՈՐԴԱԳՐՈՒԹՅՈՒՆ

Սևծովյան տնտեսական համագործակցության կազմակերպության

ՏՀՏ աշխատանքային խմբի հանդիպում

Հոկտեմբերի 4-5, 2012, Երևան, Հայաստան 

ՀՀ Էկոնոմիկայի նախարարությունը և Ձեռնարկությունների ինկուբատոր հիմնադրամը տեղեկացնում են, որ ս.թ. հոկտեմբերի 4-5-ին կկայանա Սևծովյան տնտեսական համագործակցության կազմակերպության /ՍՏՀԿ/ ՏՀՏ աշխատանքային խմբի հանդիպում:Հանդիպումը կկազմակերպվի ՍՏՀԿ ՏՀՏ աշխատանքային խմբում Հայաստանի նախագահության շրջանակում, որի նպատակն է ներկայացնել Հայաստանի նախագահության 1 տարվա ընթացքում ՍՏՀԿ անդամ-երկրներում ՏՀՏ ոլորտի զարգացումները, ինպես նաև քննարկել հաստատված գործունեության ծրագրի ուղղությամբ տարված աշխատանքների ընթացքը:

Հանդիպման ընթացում կներկայացվեն Ձեռնարկությունների ինկուբատոր հիմնադրամի կողմից մշակված ՍՏՀԿ աշխատանքային խմբի պորտալը, ՍՏՀԿ ինկուբատորների և տեխնոպարկերի ասոցիացիայի ստեղծման գաղափարը, ՍՏՀԿ-ԱՄՆ համագործակցության ծրագիրը, ինչպես նաև ս.թ. հուլիսին Կորեայի կառավարության կողմից իրականացված սեմինարի արդյունքները:

Կներկայացվի նաև Ձեռնարկությունների ինկուբատոր հիմնադրամի, հունական Իներգո տեխնոլոգիական կենտրոնի և ռումինական UBIT ինկուբատորի կողմից իրականացված “Տեխնոլոգիաների փոխանցման ցանց ՍՏՀԿ տարածաշրջանի համար” ծրագրի արդյունքները:

Աշխատանքային խմբի հանդիպման շրջանակում մասնակիցները նաև կայցելեն Դիջիթեք 2012 ՏՀՏ ցուցահանդես:

Հանդիպումը տեղի կունենա ս.թ. հոկտեմբերի 4-ին Կոնգրես Հյուրանոցի Պիկասո սրահում: Գրանցումը` 9:30: