Ընթացիկ Նորություններ

«AI4Biodiversity: AI Solutions for Nature» ազգային հեքըթոն

ՀԱՅՏԱՐԱՐՈՒԹՅՈՒՆ 

«AI4Biodiversity: AI Solutions for Nature» ազգային հեքըթոն 

 

«Քայթլաբ» գիտահաղորդակցման ընկերությունը, «Ձեռնարկությունների ինկուբատոր» հիմնադրամը (EIF) և «Կանայք կլիմայում և էներգետիկայում (WiCE)» ՀԿ-ն՝ ՀՀ շրջակա միջավայրի նախարարության հետ համագործակցությամբ համախմբում են ուժերը՝ համատեղ կազմակերպելու «AI4Biodiversity: AI Solutions for Nature» ազգային հեքըթոնը՝ նախապատրաստվելով 2026թ-ին Հայաստանում կայանալիք Կենսաբազմազանության մասին կոնվենցիայի կողմերի 17-րդ համաժողովին (COP17):

Հետազոտական աշխատանքների ֆինանսավորման ծրագիր 2025-2

ՀԱՅՏԵՐԻ ԸՆԴՈՒՆՄԱՆ 2-ՐԴ ՓՈՒԼԻ ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)PMI Science Գիտահետազոտական կենտրոն Հայաստանի աջակցությամբ, ուրախ է հայտարարել Հետազոտական աշխատանքների ֆինանսավորման ​​ծրագիր 2025-ը:


Այս նախաձեռնությունը կոչված է խթանելու նորարարական հետազոտությունները, որոնք ուղղված են ոլորտի ներկա մարտահրավերներին՝ կամրջելով ակադեմիական հետազոտությունների և արդյունաբերության կարիքների միջև առկա բացը:

Սիլիկոնյան հովտում կայացել է Հայաստան ՏՏ ֆորումը

13.06.2016


Սիլիկոնյան հովտում կայացել է Հայաստան ՏՏ ֆորումը


Հունիսի 10-ին, Սիլիկոնյան հովտում /ԱՄՆ/, Սինոփսիս Մաունթին Վյու կամպուսում մեկնարկել է ‹‹Հայաստան. ՏՏ ֆորումը››, որն անցկացվում է ԱրմԹեքի շրջանակում՝ ՀՀ վարչապետի բարձր հովանու ներքո:  


Ֆորումի նպատակն է ներկայացնել և քննարկել Հայաստանի ՏՏ ոլորտի զարգացման միտումները և դիրքավորման հեռանկարները միջազգային ասպարեզում, խթանել միջազգային համագործակցությունը և ներդրումների ներգրավումը, նպաստել ոլորտի մասնագետների միջև համագործակցության կայացմանը: 
«Հայաստան. ՏՏ ֆորումի» ուշադրության կենտրոնում կլինեն հայկական ստարտափների զարգացմանը վերաբերող հարցեր, ինչպես նաև կամփոփվեն Հայաստան-ԱՄՆ ՏՏ ոլորտի աքսելերացիոն ծրագրի արդյունքները: 


Միջոցառման օրակարգում ներառված են եղել հետևյալ թեմաները.

  • Հայաստանի ՏՏ ոլորտի զարգացումները և հաջողության պատմությունները:
  • Նորաստեղծ ընկերությունների գլոբալ էկոհամակարգի ստեղծումը և կապը համաշխարհային շուկայի հետ:
  • Մարտահրավերները և ներդրումային հնարավորությունները Հայաստանում:
  • Կրթության դերը նորաստեղծ ընկերությունների ներուժը բացահայտելու գործում:

«Հայաստան. ՏՏ ֆորումի» շրջանակում ՀՀ էկոնոմիկայի նախարար Արծվիկ Մինասյանի գլխավորած պատվիրակությունն այցելել է Սինոփսիս ընկերություն և  ընկերության նախագահ Չի-Ֆուն Չանի ուղեցկությամբ ծանոթացել Սինոփսիսի գործունեությանը:


Հայաստանի պատվիրակությունն այցելել է նաև Intel և Nvidia համաշխարհային կազմակերպություններ, հանդիպում ունեցել Սիլիկոնյան հովտի երիտասարդ ծրագրավորողների հետ: 


Հիշեցնենք, որ «Հայաստան. ՏՏ ֆորումն» իրականացվել է ՀՀ կառավարության, Համաշխարհային բանկի և «Ձեռնարկությունների ինկուբատոր» հիմնադրամի կողմից` «Ձեռներեցության զարգացման և ղեկավարների վերապատրաստման կենտրոն» (CEED) հիմնադրամի և «Սինոփսիս» ընկերության աջակցությամբ: Գործընկերներն էին` «Մայքրոսոֆթ», «ԱյԲիԷմ», «ՊիկսԱրթ», «Հյուլեթ-Փաքարդ» ընկերությունները, Ինֆորմացիոն տեխնոլոգիաների ձեռնարկությունների միությունը և ՏՀՏ գործատուների միությունը:   




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ