ՀԱՅՏԱՐԱՐՈՒԹՅՈՒՆ
ԱՎՏՈՄՈԲԻԼԱՅԻՆ ԱՐԴՅՈՒՆԱԲԵՐՈՒԹՅԱՆ ԼԱԲՈՐԱՏՈՐԻԱՅԻ ՂԵԿԱՎԱՐ
«Առաջադեմ հետազոտությունների կենտրոն» ծրագրի ներքո փնտրում ենք Ավտոմոբիլային արդյունաբերության լաբորատորիայի ղեկավար։
Պաշտոնի նկարագիր․
Ավտոմոբիլային արդյունաբերության լաբորատորիայի ղեկավարը պատասխանատու է լաբորատորիայի շրջանակում իրականացվող հետազոտությունների և մշակումների նախագծերի ղեկավարման և համակարգման համար: Գործառույթների շրջանակը ներառում է արդիական տեխնոլոգիաների մշակում, որոնք կիրառվում են, օրինակ՝ ինքնավար մեքենաներում, էլեկտրական տրանսպորտում և օդային շարժունակության լուծումներում:
Հիմնական պարտականություններ․
- Պլանավորել Լաբորատորիայի գործունեությունը, ապահովել իրականացումն ու մշտադիտարկումը,
- Առաջնորդել ճարտարագետների և հետազոտողների բազմամասնագիտական թիմը` խթանելով համագործակցային և նորարարական միջավայր:
- Արդյունավետ բաշխել ռեսուրսները, ներառյալ՝ անձնակազմը, սարքավորումները և բյուջեն՝ ապահովելով ծրագրի նպատակների իրականացումը:
- Գործել որպես լաբորատորիայի և շահագրգիռ կողմերի միջև շփման առաջնային կոնտակտային անձ: Տրամադրել Ծրագրի առաջընթացի վերաբերյալ կանոնավոր թարմացումներ և անհապաղ հասցեագրել ցանկացած խնդիր:
- Ապահովել բոլոր հետազոտական արդյունքների և նախատիպերի համար որակի բարձր չափանիշների պահպանումը։
- Բացահայտել ծրագրի իրականացման հնարավոր ռիսկերը և մշակել մեղմացման ռազմավարություններ:
- Պատրաստել ծրագրի մանրամասն հաշվետվություններ, տեխնիկական փաստաթղթեր և ներկայացումներ՝ ներքին և արտաքին շահագրգիռ կողմերի համար:
- Թիմերի ստեղծում և մեկնարկում. ստեղծել թիմեր և արդյունավետ կերպով ներգրավել դրանք նախագծերի նախաձեռնման և իրականացման աշխատանքներում:
- Ծրագրերի խթանում. խթանել նոր նախագծերի մեկնարկը և իրականացումը` լաբորատոր նպատակներին համապատասխանեցնելու նպատակով:
- Հետազոտությունների համակարգում. համակարգել հետազոտական աշխատանքները՝ ուղղված լաբորատորիայի ընդհանուր հաջողությանը։
- Աջակցություն սկսնակ ձեռնարկություններին. աջակցել լաբորատոր հետազոտությունների կամ հարակից նախագծերի արդյունքում ձևավորվող նորաստեղծ ընկերությունների հիմնմանը:
Որակավորումներ․
- Կրթություն. բարձրագույն կրթություն (մագիստրոսի կամ թեկնածուի (Ph.D.) աստիճան) ճարտարագիտության կամ ֆիզիկայի ոլորտում:
- Փորձ. նվազագույնը 3 տարվա մասնագիտական փորձ ճարտարագիտության կամ ֆիզիկայի ոլորտում
Հմտություններ․
- Ծրագրերի կառավարման հմտություններ, ներառյալ՝ ծրագրերի կառավարման գործիքների և մեթոդաբանության իմացություն։
- Թիմային կառավարման և առաջնորդման գերազանց կարողություններ։
- Արդյունավետ հաղորդակցման և միջանձնային հմտություններ։
- Խնդիրներ լուծելու հմտություններ և վերլուծական մտածողություն։
Անձնական հատկանիշներ․
- Նորարարական մտածելակերպ. Լաբորատորիայում նորարարության և շարունակական կատարելագործման մշակույթը խթանելու ունակություն:
- Մանրամասների վրա կենտրոնացվածություն. մանրուքների նկատմամբ ուշադրություն և բարձրորակ աշխատանք կատարելու պատրաստակամություն:
- Ադապտացվելու կարողություն. Ծրագրի փոփոխվող պահանջներին և առաջնահերթություններին հարմարվելու ունակություն:
- Մեծ հետաքրքրություն տեխնոլոգիաների նկատմամբ. ավտոմոբիլային արդյունաբերության վերջին միտումների և առաջընթացի մասին շարունակական տեղեկացվածություն:
Դիմելու ընթացակարգը․
Հետաքրքրված թեկնածուները պետք է մինչև 2025թ-ի հունվարի 15-ը (ներառյալ) ներկայացնեն իրենց ինքնակենսագրականը (CV), համապատասխան փորձառությունը մանրամասնող ուղեկցող նամակ [email protected] էլ.փոստի հասցեով, վերնագրի դաշտում նշելով՝ ARC Automotive Lab Manager:
Հայտերը կդիտարկվեն ընթացիկ հիմունքով՝ մինչև աշխատատեղի համալրումը։
Լրացուցիչ տեղեկություններ․
- Աշխատավայր` ՀՀ, ք․ Երևան, Բագրևանդի փ․ 21/1, «Ինժեներական քաղաք»
- Աշխատավարձ` փորձին և որակավորմանը համապատասխան
- Պայմանագրի ձևը` կես դրույքով, մշտական
- Հաշվետու է` «Ձեռնարկությունների ինկուբատոր» հիմնադրամին և Սինոփսիսին
* * *
«Առաջադեմ հետազոտությունների կենտրոն» ծրագրի նպատակն է խթանել Հայաստանի ճարտարագիտական ոլորտի մրցունակության բարձրացումը համաշխարհային շուկայում՝ աջակցելով հետազոտություններին, մշակումներին, առևտրայնացմանը և համախմբելով միջազգային ընկերությունների, ԱՄՆ-ի առաջատար համալսարանների և Հայաստանի ճարտարագիտական կլաստերի ջանքերը:
Ծրագիրն իրականացվում է ԱՄՆ Միջազգային զարգացման գործակալության ֆինանսավորմամբ, «Ձեռնարկությունների ինկուբատոր» հիմնադրամի կողմից՝ Ինժեներական ասոցիացիայի, Նեյշնլ Ինսթրումենթս և Սինոփսիս ընկերությունների հետ համագործակցությամբ։
Վերադարձ
Ավտոմոբիլային արդյունաբերության լաբորատորիայի ղեկավար 
