Ընթացիկ Նորություններ

Նորարարություններին ուղղված համաֆինանսավորվող դրամաշնորհ

«Աջակցություն ՓՄՁ զարգացմանը Հայաստանում» ծրագիրը, որը համաֆինանսավորվում է Եվրամիության, ինչպես նաև Գերմանիայի դաշնային հանրապետության տնտեսական համագործակցության և զարգացման նախարարության կողմից և իրականացվում է ԳՄՀԸ «Մասնավոր հատվածի զարգացումը Հարավայի Կովկասում» ծրագրի շրջանակում, Ձեռնարկությունների ինկուբատոր հիմնադրամի հետ համագործակցությամբ հայտարարում է դրամաշնորհային նոր մրցույթ: 

“Learn to Code! It’s Fun!” խորագրով միջոցառում եվրոպական ծրագրավորման

Հոկտեմբերի 21-ին Երևանում առաջին անգամ անցկացվեց “Learn to Code! It’s Fun!” խորագրով միջոցառում եվրոպական ծրագրավորման ամենամեծ իրադարձության՝ EU Code Week-ի շրջանակներում: Միջոցառումը նախաձեռնել էր Ձեռնարկությունների Ինկուբատոր Հիմնադրամի (EIF)  Հայ-Հնդկական ՏՀՏ Գերազանցության Կենտրոնը (AITC), միջոցառման աջակիցն էր GOOGLE-ը:

Ձեռնարկությունների Ինկուբատոր հիմնադրամի գործունեության հետազոտական և վերլուծական ուղղությունները նպատակ ունեն հրապարակել և Հայաստանի ու արտերկրի հանրությանը ներկայացնել հետազոտական, վերլուծական և տեղեկատվական հետաքրքիր հոդվածներ ու փաստաթղթեր: Այս հրապարակումները ներկայացնում են Հայաստանի ՏՏ ոլորտը, ոլորտի պատմությունն ու հիմնական առանձնահատկությունները, տեղեկատվություն ոլորտում գործող ընկերությունների վերաբերյալ, Հայաստանում բիզնես գործունեություն ծավալելու մասին և շատ այլ թեմաներ:


Հրապարակումները ՁԻՀ-ի բազամյա գործնական աշխատանքի արդյունք են սկսած հիմնադրման օրվանից՝ 2002թ.-ից: Չափազանց մոտ լինելով ոլորտին, առանձին ընկերություններին, ընկերությունների ղեկավարներին և ՏՏ ոլորտի մասնագետներին` ՁԻՀ-ն զբաղեցնում է առանձնահատուկ դիրք` տեսնելու և վերլուծելու ոլորտի զարգացման միտումներն ու խնդիրները, ինչպես նաև վերջինիս տարբեր հիմնահարցերը: Մեր նպատակն է՝ կիսել այս արժեքավոր ուսումնասիրության և վերլուծության արդյունքները՝ այդպիսով նպաստելով ՏՏ ոլորտի հետագա զարգացմանը: Հույս ունենք, որ այս էջում տեղադրված նյութերը հետաքրքիր և օգտակար կլինեն Ձեզ համար:

Խնդրում ենք կիսել մեզ հետ Ձեր դիտողություններն ու առաջարկություններն այս նախաձեռնության վերաբերյալ՝ ուղարկելով դրանք info@eif.am էլ. փոստի հասցեով:



Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ