Ընթացիկ Նորություններ

Վեբ կայքերի մշակման ծառայություններ - Black Box Hub

ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում հայտարարում է ամրագրման/տոմսերի վաճառքի համակարգի ինտեգրմամբ, լիարժեք գործող էլեկտրոնային առևտրի կայքի ստեղծման մրցույթ՝ Վեբ կայքերի մշակման ծառայություններ մատուցող որակավորված կազմակերպությունների համար: 

Ճարտարապետական նախագծերի ծառայություն - Black Box Hub

ՀԱՅՏԱՐԱՐՈՒԹՅՈՒՆ


«Ձեռնարկությունների ինկուբատոր» հիմնադրամը (ՁԻՀ)
Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում, փնտրում է որակավորված ճարտարապետական նախագծերի ծառայություն մատուցող կազմակերպությունների՝ հաբի նախագծա-նախահաշվային փաթեթի և 3D մոդելի մշակման նպատակով: 

Երևանում կայացավ տեխնոլոգիական ուիկենդ

14.07.2015

Երևանում կայացավ տեխնոլոգիական ուիկենդ


Հուլիսի 11-ից 12-ը կայացած տեխնոլոգիական ուիկենդն իսկական տեխնոլոգիական տոն էր հայկական ստարտափների ու թիմերի, ստեղծագործ և նորարար երիտասարդների համար: Բոլորը համախմբվել էին IBM BlueMix cloud Հեքեթոնի, Slush 2015 Global Impact Accelerator մրցույթի և նորարարական լուծումների վերաբերյալ հետաքրքիր ներկայացումների շուրջ, որը կազմակերպել էր Ձեռնարկությունների ինկուբատոր հիմնադրամը՝ IBM Ինովացիոն լուծումների և տեխնոլոգիաների կենտրոնի շրջանակում: Հովանավորներն էին ‹‹Նիկիտա Մոբայլ››, ‹‹Ռոստելեկոմ Հայաստան>> ընկերություններն ու ‹‹Զանգեզուրի պղնձամոլիբդենային կոմբինատ›› բարեգործական հիմնադրամը: 


IBM BlueMix cloud Հեքեթոնին մասնակցած 11 թիմերից 2-ը` Vulpex և Simplex, ժյուրիի կողմից ճանաչվեցին լավագույնը՝ յուրաքանչյուրն արժանանալով 500 հազարական դրամ մրցանակի: Խրախուսական մրցանակ ստացավ Brainstorm թիմը՝ ստանալով երկու սմարթֆոն: «Ուրախալի է, որ չնայած երիտասարդ տարիքին բոլոր մասնակիցները հետաքրքիր և նորարարական լուծումներով հանդես եկան և IBM Bluemix պլատֆորմն էլ ավելի լայն հնարավորություններ ընձեռեց նրանց սեփական գաղափարները ծրագրավորելու և ներկայացնելու հարցում,»- նշեց հայաստանյան Ռոստելեկոմի ղեկավար Հայկ Ֆարամազյանը։


‹‹Շատ հետաքրքիր մրցույթ էր, ինչը թիմերին դրդում էր էլ ավելի ջանասիրաբար աշխատել ու արդյունքում լուրջ մրցակցություն էր ընթանում:  Առհասարակ cloud պլատֆորմի վրա հիմնված հեքեթոնը միշտ ստիպում է թիմին նոր ուղղությամբ մտածել ու զուգահեռաբար ձեռք բերել նաև նոր գիտելիքներ››,- նշեց Simplex թիմի անդամ Նաիրի Նարինյանը: Թիմը մշակել էր սոցիալական երաժշտական հարթակ, որտեղ ստեղծվող երաժշտությանը կարող էին մասնակից լինել աշխարհի ցանկացած կետում գտնվող ոչ պրոֆեսիոնալ երաժշտության սիրահարները։


Ուիկենդի ընթացքում, առաջին անգամ Հայաստանում կազմակերպվեց Slush 2015 Global Impact Accelerator-ի լոկալ մրցույթը հայկական ստարտափների համար, որի մասնակցեց 11 թիմ: Լավագույնները՝ Paqqy, Renderforest և Chally թիմերը, ստացան բացառիկ հնարավորություն մասնակցելու նոյեմբերի 11-12-ը Ֆինլանդիայում կայանալիք Slush միջազգային մրցույթին: Միջոցառման ընթացքում հայկական սկսնակ ընկերությունները կկարողանան հանդիպել միջազգային առաջատար ներդրողների, ղեկավարների հետ և զարգացնել իրենց բիզնեսը:  


Տեղեկացնենք նաև, որ Ձեռնարկությունների ինկուբատոր հիմնադրամը նախատեսում է տեխնոլոգիական ուիկենդը դարձնել ամենամյա միջոցառում։ 


IBM Ինովացիոն լուծումների և տեխնոլոգիաների կենտրոնը (ISTC) IBM ընկերության, ԱՄՆ ՄԶԳ-ի (USAID), ՀՀ կառավարության և «Ձեռնարկությունների ինկուբատոր» հիմնադրամի (EIF) համատեղ ծրագիրն է, որի առաջնային նպատակն է տրամադրել նորարարական տեխնոլոգիական լուծումներ և ռեսուրսներ IBM-ի կողմից՝ համապատասխան դասընթացների և գիտահետազոտական աշխատանքների իրականացման ու բիզնեսի զարգացման համար:




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ