Ընթացիկ Նորություններ

Ձեռներեց կանանց հնարավորությունների ընդլայնում ու առաջխաղացում

ՀՐԱՎԻՐՈՒՄ ԵՆՔ ԿԻՆ ՁԵՌՆԵՐԵՑՆԵՐԻ ՈՒՇԱԴՐՈՒԹՅՈՒՆԸ

 

Համաշխարհային բանկի խմբի (ՀԲԽ) անդամ Միջազգային ֆինանսական կորպորացիան (ՄՖԿ) հրավիրում է  գործող և հեռանկարային կին ձեռներեցներին մասնակցելու  «Ձեռներեց կանանց հնարավորությունների ընդլայնումն ու առաջխաղացումը ոչ տեխնոլոգիական ոլորտներում տեխնոլոգիական լուծումների կիրառման միջոցով» ծրագրին: Ծրագրի հիմնական նպատակն է բարելավել կին ձեռնարկատերերի տնտեսական արդյունքը՝ զարգացնելով նրանց գործարար կարողությունները և բիզնես ցանցերի հասանելիությունը:

ՀԱՄԱՖԻՆԱՆՍԱՎՈՐՎՈՂ ԴՐԱՄԱՇՆՈՐՀՆԵՐԻ ՄՐՑՈՒՅԹ

ՀԱՅՏԱՐԱՐՈՒԹՅՈՒՆ

«Ձեռնարկությունների ինկուբատոր» հիմնադրամը՝ ՀՀ կառավարության, ՀՀ բարձր տեխնոլոգիական արդյունաբերության նախարարության և Համաշխարհային Բանկի աջակցությամբ իրականացվող «Համաֆինանսավորվող դրամաշնորհներ»-ի ծրագրի շրջանակում հայտարարում է Նորարարության զարգացման և Մարզային համաֆինանսավորվող դրամաշնորհների հերթական մրցույթը։

Նոր հնարավորություն ՏՏ ոլորտի մասնագետների համար

20.10.2015

Նոր հնարավորություն ՏՏ ոլորտի մասնագետների համար  


Հայ-Հնդկական ՏՀՏ գերազանցության կենտրոնը միացել է Pearson VUE միջազգային սերտիֆիկացիոն ցանցին՝ առաջարկելով հասանելի և ապահով սերտիֆիկացիոն թեստավորում:


Pearson VUE-ն համակարգչի միջոցով հանձնվող քննությունների անցկացման ոլորտում առաջատար ընկերություն է, որը հնարավորություն է ընձեռում ՏՏ մասնագետներին միջազգային առաջատար ծրագրային ապահովման մշակողների հավատարմագրման քննություններ հանձնել:


Pearson VUE-ն յուրաքանչյուր տարի ամբողջ աշխարհում լիցենզավորման, սերտիֆիկացման, ակադեմիական ընդունելության, կարգավորման և կառավարման թեսթավորման ծառայության շուկաներում սպասարկում է միլիոնավոր հաճախորդների: Այն համարվում է աշխարհի առաջատար թեսթային կենտրոնը՝ ունենալով մոտավորապես 5000 կենտրոններ 180 երկրներում: 


Հայաստանում Տեղեկատվական տեխնոլոգիաների ոլորտի արագ զարգացումն ուղեկցվում է բարձր որակավորում ունեցող մասնագետների պահանջարկի աճով: Նման ձևաչափով միջազգային ավելի քան 450 բարձր վարկանիշ ունեցող ընկերությունների (Cisco, CompTIA, EMC, HP, LPI, Oracle, VMware և այլն) հավատարմագրեր ստանալը ՏՏ ոլորտի հայ մասնագետների համար նոր հնարավորություններ կընձեռի աշխատանքային կարիերայում: 


Նշենք, որ Հայ-Հնդկական ՏՀՏ գերազանցության կենտրոնը հանդիսանում է Հայաստանի Հանրապետության կառավարության և Հնդկաստանի կառավարության համատեղ ծրագիրը, որն իրականացվում է «Ձեռնարկությունների Ինկուբատոր» հիմնադրամի (Հայաստան) և C-DAC Կենտրոնի (Հնդկաստան) կողմից: Կենտրոնը տեղակայված է Երևանի Պետական համալսարանում և կազմակերպում է ինչպես կարճաժամկետ, այնպես էլ երկարաժամկետ դասընթացներ զանազան թիրախային խմբերի համար:




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ | Կապ