Ընթացիկ Նորություններ

“Learn to Code! It’s Fun!” խորագրով միջոցառում եվրոպական ծրագրավորման

Հոկտեմբերի 21-ին Երևանում առաջին անգամ անցկացվեց “Learn to Code! It’s Fun!” խորագրով միջոցառում եվրոպական ծրագրավորման ամենամեծ իրադարձության՝ EU Code Week-ի շրջանակներում: Միջոցառումը նախաձեռնել էր Ձեռնարկությունների Ինկուբատոր Հիմնադրամի (EIF)  Հայ-Հնդկական ՏՀՏ Գերազանցության Կենտրոնը (AITC), միջոցառման աջակիցն էր GOOGLE-ը:

STEP from Idea to Market grant competition 2017

15.09.2017

Ձեռնարկությունների ինկուբատոր հիմնադրամը (ՁԻՀ) և ՀՀ Տրանսպորտի, կապի և տեղեկատվական տեխնոլոգիաների նախարարությունը հրավիրում են բոլոր հետաքրքրված նորարարներին, սկսնակ թիմերին (startups), գիտնականներին և տեխնոլոգիական ոլորտի ձեռներեցներին մասնակցելու STEP ծրագրի «Գաղափարից դեպի բիզնես» ամենամյա մրցույթին: Մրցույթի նպատակն է՝ ոգեշնչել ձեռներեցության զարգացումը տեխնոլոգիական ոլորտում և նպաստել այդ ոլորտի նորարարական գաղափարների առևտրայնացմանը Հայաստանի զարգացամանը նպաստող հետևյալ ոլորտներում՝ Տեղեկատվական և հաղորդակցական տեխնոլոգիաներ  /ՏՀՏ/, ճարտարագիտություն և բարձր տեխնոլոգիաների նորարաություններ:

Գյումրեցի անիմատորների նկարած մուլտֆիլմը հավաքել է 6 մլն ավել դիտումներ

15.04.2016


Գյումրեցի անիմատորների նկարած մուլտֆիլմը կարճ ժամանակում հավաքել է 6 միլիոնից ավել դիտումներ


«Ալիսան գիտի, թե ինչ անել», «Նապաստակի 10 ընկերները», «Կապույտ տրակտոր Գոշան»․ թվարկվածները մի մասն են այն մուլտֆիլմերից, որոնք ստեղծվել են Գյումրու տեխնոլոգիական կենտրոնում գործող Սկայլայն ստուդիայի մասնագետների կողմից։   


Սկայլայն ստուդիայի թիմը, ռուսական ընկերության պատվերով, վերջերս ստեղծեց «Կապույտ Տրակտոր Գոշան»  անիմացիոն զարգացնող մուլտֆիլմը, որը կարճ ժամանակում հասցրեց մեծ մասսայականություն վայելել։ Մուլտֆիլմի 2 սերիաներից մեկը հրապարակվել է դեկտեմբերի 17-ին՝ https://www.youtube.com/watch?v=_dbXoJIFuPA, և արդեն ունի 6.4 մլն դիտում։ Մյուս սերիան, հրապարակվելով մարտի 31-ին՝ https://www.youtube.com/watch?v=NzCigmnzEwM, ընդամենը 2 շաբաթվա ընթացքում գրանցել է 1.6 մլն դիտում։ Ընկերությունն արդեն ունի հաջորդ սերիաները նկարահանելու պատվեր։ 


Սկայլայն ստուդիայի տնօրեն Գուրգեն Պարոնյանի խոսքերով, սկզբում մուլտֆիլմը նկարահանվում էր այլ կազմակերպության կողմից և այնքան էլ հաջողված չէր։ Այնուհետև մուլտֆիլմի պատվիրատուները նկարահանման աշխատանքը վստահեցին գյումրեցիներին․«Մենք մեծ ոգևորվածությամբ ձեռնամուխ եղանք մուլտֆիլմի ստեղծմանը և, տեսնելով դիտումների քանակը, հասկացանք, որ հաջողել ենք։ Այս հաջողությունները փաստում են այն մասին, որ Գյումրիում իրականացվում են արտասահմանյան շուկայի պահանջներին համապատասխան մրցունակ նախագծեր»։


Ստուդիան թեպետ մեկ տարի է, ինչ սկսել է գործունեությունը, սակայն արդեն հասցրել է լուրջ հաջողություններ գրանցել 2D և 3D անիմացիայի ոլորտում։ Սկսնակ ընկերության ծառայություներից արդեն հասցրել են օգտվել շվեյցարական, ֆրանսիական, ամերիկյան ու ռուսական շուկաները: Սկայլայն ստուդիան մեկն է այն ընկերություններից, որը հաղթեց Ձեռնարկությունների ինկուբատոր հիմնադրամի, ՀՀ Էկոնոմիկայի  նախարարության և Համաշխարհային բանկի աջակցությամբ, իրականացվող համաֆինանսավորվող դրամաշնորհային մրցույթում։  






Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ