Ընթացիկ Նորություններ

“Learn to Code! It’s Fun!” խորագրով միջոցառում եվրոպական ծրագրավորման

Հոկտեմբերի 21-ին Երևանում առաջին անգամ անցկացվեց “Learn to Code! It’s Fun!” խորագրով միջոցառում եվրոպական ծրագրավորման ամենամեծ իրադարձության՝ EU Code Week-ի շրջանակներում: Միջոցառումը նախաձեռնել էր Ձեռնարկությունների Ինկուբատոր Հիմնադրամի (EIF)  Հայ-Հնդկական ՏՀՏ Գերազանցության Կենտրոնը (AITC), միջոցառման աջակիցն էր GOOGLE-ը:

STEP from Idea to Market grant competition 2017

15.09.2017

Ձեռնարկությունների ինկուբատոր հիմնադրամը (ՁԻՀ) և ՀՀ Տրանսպորտի, կապի և տեղեկատվական տեխնոլոգիաների նախարարությունը հրավիրում են բոլոր հետաքրքրված նորարարներին, սկսնակ թիմերին (startups), գիտնականներին և տեխնոլոգիական ոլորտի ձեռներեցներին մասնակցելու STEP ծրագրի «Գաղափարից դեպի բիզնես» ամենամյա մրցույթին: Մրցույթի նպատակն է՝ ոգեշնչել ձեռներեցության զարգացումը տեխնոլոգիական ոլորտում և նպաստել այդ ոլորտի նորարարական գաղափարների առևտրայնացմանը Հայաստանի զարգացամանը նպաստող հետևյալ ոլորտներում՝ Տեղեկատվական և հաղորդակցական տեխնոլոգիաներ  /ՏՀՏ/, ճարտարագիտություն և բարձր տեխնոլոգիաների նորարաություններ:

Մեկնարկեց «ՈԶՆԻ 2015» ամենամյա դպրոցական համակարգչային մրցույթը

15.05.2015

Մեկնարկեց «ՈԶՆԻ 2015» ամենամյա դպրոցական համակարգչային մրցույթը

Մայիսի 15-ին Հայ-հնդկական ՏՀՏ գերազանցության կենտրոնում մեկնարկեց «ՈԶՆԻ 2015» ամենամյա դպրոցական համակարգչային մրցույթը: Մրցույթը կտևի 2 օր՝ մայիսի 15-ին, ժամը 9.00-18.00 և մայիսի 16-ին՝ 11.00-18.00։

 

Մրցույթի նպատակն է բացահայտել աշակերտների համակարգչային կարողություններն ու հմտությունները, հնարավորություն տալ նրանց համակարգչային ծրագրերի միջոցով արտահայտելու իրենց ստեղծագործական մտքերը, ստուգելու սեփական կարողությունները:

 

«Ոզնի-2015» համակարգչային մրցույթի հեղինակ-կազմակերպիչներ են Ռուզան Նիկոյանը (N65 ավագ դպրոց) և Մարիաննա Թովմասյանը (N161 հիմնական դպրոց և N65 ավագ դպրոց)։ Գլխավոր աջակիցն է Ձեռնարկությունների ինկուբատոր հիմնադրամը Հայ-հնդկական ՏՀՏ գերազանցության կենտրոնի հետ համատեղ։


Այս տարի մրցույթին մասնակցում են 6-9-րդ դասարանների 328 աշակերտներ Երևանի 28 և ՀՀ մարզերի 53 դպրոցներից: Վիճակահանության միջոցով մասնակիցները կընտրեն իրենց աշխատանքի թեմաները և սահմանված ժամանակի ընթացքում կներկայացնեն այն: Ամսվա վերջում հայտնի կլինեն հաղթողները, ովքեր կստանան պատվոգրեր և մրցանակներ:

 

Առաջին անգամ «ՈԶՆԻ» համակարգչային մրցույթն անցկացվեց 2009թ.-ին երկու դպրոցների՝ Լեոյի անվան հ. 65 և Գ. Նժդեհի անան հ. 161 դպրոցների աշակերտների միջև: Հաջորդ տարի մասնակցում էին երևանյան 4 դպրոցներ, 2011թ.-ին մասնակից դպրոցների թիվը 12 էր, մասնակիցների քանակը՝ 87: 2013թ.-ին մրցույթը ստացավ հանրապետական բնույթ՝ ունենալով մասնակիցների աննախադեպ քանակ՝ շուրջ 250 մասնակիցներ Արտաշատից, Աշտարակից, Արարատից, Գեղարքունիքից, Կոտայքից: «ՈԶՆԻ-2014» մասնակիցների ընդհանուր թիվը հասավ 834-ի։ Այս տարի մրցույթի մասնակցության հայտ էին ներկայացրել 1000 աշակերտներ, որոնցից եզրափակիչ փուլ է անցել 328-ը։


«Հայ-հնդկական ՏՀՏ գերազանցության կենտրոնն արդեն երկրորդ անգամ աջակցում է մրցույթի կազմակերպմանը՝ խթանելով աշակերտների շրջանում տեխնոլոգիական ոլորտի նկատմամբ հետաքրքրության ձևավորմանը, ավելացնելով նրանց մոտ համակարգչային գիտելիքների պաշարը»,-նշում  է Հայ-հնդկական ՏՀՏ գերազանցության կենտրոնի ծրագրի ղեկավար Էմիլիա Հարությունյանը:




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ