Ընթացիկ Նորություններ
Հայտարարություն
Բարձր տեխնոլոգիական աքսելերատորի շենքում Համայնքային սրճարան / տեխնոլոգիական հանդիպումների տարածքի (Community café / Technology meet-up space) օգտագործման հայտերի ընդունման
Համայնքային սրճարան / տեխնոլոգիական հանդիպումների տարածքը գտնվում է Ինժեներական քաղաքի Բարձր տեխնոլոգիական աքսելերատորի շենքում և նախատեսված է ծառայելու ոչ միայն որպես զովացուցիչ ըմպլիքների և սուրճի մատուցման վայր, այլ նաև որպես միջավայրային, համայնքային և տեխնոլոգիական ակտիվության կենտրոն։ Տարածքի տրամադրման նպատակն է ձևավորել մասնավոր ընկերությունների աշխատակիցների, ուսանողների և այցելուների համար հարմարավետ միջավայր` ոչ պաշտոնական հանդիպումների, շփումների և հանգստի համար։
Աքսելերացիոն ծրագիր. Հզորացրու քո Deep-Tech ստարտափը՝ օգտվելու Horizon Europe ֆինանսավորման հնարավորություններից
«Ձեռնարկությունների ինկուբատոր» հիմնադրամը (EIF) Գիտական և նորարարական գործընկերությանն աջակցման կենտրոնի (SIPAC) հետ համագործակցությամբ և իր Գիտական ինկուբատորի ներքո մեկնարկում է հատուկ մշակված աքսելերացիոն ծրագիր՝ աջակցելու deep-tech ստարտափներին՝ Horizon Europe-ի ․ կարևոր դրամաշնորհային մրցույթներին հաջողությամբ դիմելու գործընթացում։
Truthly հավելվածը կօգնի ինքնակատարելագործվել 
Ինչպիսին եմ ես կյանքում, ինչ թերություններ ու առավելություններ ունեմ, ինչպես շտկեմ բացասական հատկանիշներս և շեշտադրեմ դրականներս: Շատերս ենք նման հարցեր ուղղում մեզ` փորձելով կողքինների աչքերով նայել մեզ ու վերլուծել մեր գործողությունները: Հայ ծրագրավորողները մտածել ու ստեղծել են «Truthly» բջջային հավելվածը, որն անանուն կերպով ընկերներից կարծիք ստանալու միջոց է: Ծրագրի համահեղինակ Հրաչյա Մանուկյանը նշեց, որ հավելվածն ուղղված է անհատի ինքնազարգացմանը՝ նրանց ճանաչող մարդկանց կողմից ստացվող կառուցողական կարծիքների միջոցով: «Truthly»ն անանուն հետադարձ կապ տալու ծրագիր է, դրա միջոցով մարդը իր մասին իմանում է կարծիքներ իր շրջապատից, որը սովորական իրավիճակներում չի կարող ստանալ, քանի որ մարդիկ սովորաբար դեմ առ դեմ իրար չեն ասում այն, ինչ մտածում են: Ծրագիրն ազատություն է տալիս, բայց ամենակարևորն այն է, որ այդ ամենը կոնստրուկտիվ բնույթ ունի: Նպատակն այն չէ, որ իրար անանուն հայհոյեն, այլ որ կառուցողական բաներ ասեն, որ մարդը կատարելագործվի»,- ասաց Հրաչյա Մանուկյանը: Նրա խոսքով` հավելվածի տեստավորման փուլում պարզ է դարձել, որ 95 տոկոսից ավելի դեպքերում մարդիկ հակված են կառուցողական հետադարձ կապ ապահովել, ինչպես ծրագիրը գրողները նախապես պատկերացնում էին: «Քանի որ իրար մասին կարծիք են արտահայտում միայն ընկերները, այդքանով այդ կարծիքները ֆիլտրվում են»,-ավելացրեց Հրաչյա Մանուկյանը:
