Ընթացիկ Նորություններ

ՀԱՅՏԱՐԱՐՈՒԹՅՈՒՆ

«Ձեռնարկությունների ինկուբատոր» հիմնադրամը (ՁԻՀ), Վանաձորի տեխնոլոգիական կենտրոնում (ՎՏԿ) երիտասարդների ներգրավման, երիտասարդների առաջխաղացման և երիտասարդակենտրոն բազմաբնույթ միջոցառումների նախաձեռնման և իրականացման նպատակով, փնտրում է ՎՏԿ երիտասարդական ծրագրերի համակարգող։ 

Աշխատանքային պարտականություններ․ 

• ՎՏԿ-ի՝ որպես Երիտասարդական կենտրոնի դիրքավորման ռազմավարության մշակում,  
• Երիտասարդների ներգրավման նախաձեռնությունների իրականացում,  
• Երիտասարդների մասնակցությամբ բազմաֆորմատ միջոցառումների հանդիպումների, workshop-երի կազմակերպում,  
• Տարեկան առնվազն 1 երիտասարդակենտրոն մասշտաբային միջոցառման կազմակերպում,  
• Մարզի ներսում, միջմարզային, արտերկրի երիտասարդների հետ կապերի ձևավորում և համատեղ նախաձեռնությունների կազմակերպում,  
• Համագործակցություն մասնավոր և միջազգային կազմակերպությունների հետ՝ մարզում երիտասարդական նախաձեռնությունների իրականացման նպատակով միջոցների ներգրավման ուղղությամբ,  
• ՁԻՀ-ի կողմից իրականացվող այլ ծրագրերի և/կամ կենտրոնների հետ համագործակցություն՝ իր կողմից համակարգվող ուղղության արդյունավետության բարձրացման և ներգրավվածության ընդլայնման նպատակով։  

Անհրաժեշտ հմտություններ․  

• Բարձրագույն կրթություն, 
• Ավելի քան 3 տարվա աշխատանքային փորձ՝ նախագծերի կառավարման, կազմակերպական և/կամ հաղորդակցության ոլորտում, 
• Հաղորդակցման և բանակցելու գերազանց հմտություններ, 
• Երիտասարդական նախագծերի նախաձեռնման և հաջող իրականացման փորձ, 
• Գործարար հարաբերություններ ստեղծելու ունակություն, 
• Մտքի ճկունություն, խնդիրներ լուծելու և նախագիծը ճիշտ ժամկետներում ավարտին հասցնելու կարողություն, 
• Թիմում աշխատելու ունակություն, 
• Պատասխանատվության բարձր զգացում, ճշտապահություն, 
• Դինամիկ և արդյունքների վրա հիմնված միջավայրում տարբեր շահագրգիռ կողմերի հետ աշխատանքի փորձ, 
• Ստեղծագործ միտք,  
• Դրական աշխատանքային հարաբերություններ հաստատելու և պահպանելու ունակություն,  
• Հայերենի, անգլերենի և ռուսերենի բանավոր և գրավոր գերազանց իմացություն։  

Հետաքրքրված անձինք կարող են մինչև 2023թ-ի մարտի 15-ը ներառյալ ուղակել իրենց ինքնակենսագրականը (CV) [email protected] էլ․ փոստին` Subject բաժնում գրելով «ՎՏԿ երիտասարդական ծրագրերի համակարգող»։