Ընթացիկ Նորություններ

Հետազոտական աշխատանքների ֆինանսավորման ծրագիր 2025-2

ՀԱՅՏԵՐԻ ԸՆԴՈՒՆՄԱՆ 2-ՐԴ ՓՈՒԼԻ ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)PMI Science Գիտահետազոտական կենտրոն Հայաստանի աջակցությամբ, ուրախ է հայտարարել Հետազոտական աշխատանքների ֆինանսավորման ​​ծրագիր 2025-ը:


Այս նախաձեռնությունը կոչված է խթանելու նորարարական հետազոտությունները, որոնք ուղղված են ոլորտի ներկա մարտահրավերներին՝ կամրջելով ակադեմիական հետազոտությունների և արդյունաբերության կարիքների միջև առկա բացը:

ԻՔ Գլխավոր զարգացման պատասխանատու

ՀԱՅՏԱՐԱՐՈՒԹՅՈՒՆ


«Ձեռնարկությունների ինկուբատոր» հիմնադրամը փնտրում է Ինժեներական քաղաքի փորձառու և նախաձեռնող Գլխավոր Զարգացման Պատասխանատու՝ միանալու մեր թիմին և նպաստելու Հայաստանի բարձր տեխնոլոգիական ոլորտի զարգացմանը։ 


Եթե ցանկանում եք դառնալ մեր թիմի անդամ և Ձեր ներդրումը բերել Ինժեներական քաղաքի զարգացմանը, խնդրում ենք մինչև 06․06․2025թ․ (ներառյալ) ուղարկել Ձեր ինքնակենսագրականը (CV) և ուղեկցող նամակը [email protected] էլ. հասցեին՝ վերնագրի դաշտում նշելով՝ "EC Chief Development Officer":

Հայտնի դարձավ Seedstars Երևան սթարթափերի մրցույթի հաղթողը

08.10.2014

 

Հայտնի դարձան Seedstars Երևան սթարթափերի մրցույթի հաղթողները

 

Հայաստանում առաջին անգամ անցկացված Seedstars Երևան սթարթափերի մրցույթի հաղթող ճանաչվեց Սոլո Լըրն (Solo Learn) թիմը, որոնց ստեղծած ինտերակտիվ ու խաղարկային կրթական պլատֆորմում օգտատերը կարող է առցանց մասնակցել և´ դիմահարդարման և´ HTML-ի դասընթացներին: Հաղթող թիմը 2015թ. փետրվարի 4-ին կմասնակցի Շվեյցարիայի Ժնև քաղաքում կայանալիք Seedstars սթարթափերի համաշխարհային մրցույթին: Հիշեցնենք նաև, որ նախորդ ամիս Solo Learn-ը Գրանատուս Վենչուրս հիմնադրամի կողմից $100 հազ. ֆինանսավորում և ակսելերացիոն աջակցություն էր ստացել Նյու Յորքում կայացած ԱրմԹեք համաժողովի ընթացքում:

 

Seedstars մրցույթում երկրորդ ու երրորդ տեղերը գրաված Ֆորկայզ (Forkize) և Իքսպրես Քյուրեյթ (Express Curate) թիմերը հրավիրվեցին ներկա գտնվելու Ժնևում կայանալիք մրցույթին: Իսկ Լայնշարփ (Lionsharp) թիմն արժանացավ «Ամերիա» կառավարման խորհրդատվական ծառայության սահմանած մրցանակին ամենաստեղծարար սթարթափի համար:

 

Seedstars Yerevan 2014 –ը կազմակերպել են Մայքրոսոֆթ ինովացիոն կենտրոնը, Seedstars Worldը, Թումո ստեղծարար տեխնոլոգիաների կենտրոնը` Հայաստանում Շվեյցարիայի դեսպանության, Ազադ Ֆարմասյութիքլզ  ընկերության և «Ամերիա» կառավարման խորհրդատվական ծառայության աջակցությամբ:

Seedstars Yerevan 2014–ը մաս է կազմում “Նորարարություն տեխնոլոգիայի միջոցով” ծրագրի, որը մասնավոր և պետական կառույցների համագործակցության օրինակ է Հայաստանի Մայքրոսոֆթ ինովացիոն կենտրոնի, Մայքրոսոֆթ Ար Էյ-ի, ԱՄՆ-ի միջազգային զարգացման գործակալության հայաստանյան առաքելության, ՀՀ կառավարության, Ձեռնարկությունների ինկուբատոր հիմնադրամի և Հայաստանի պետական ճարտարագիտական համալսարանի միջև:




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ