26.02.2015
Բացառիկ դասախոսություն անվանի դասախոս Նեյլ Ռուդինի կողմից. Azure-ի կիրառումը Android հարթակի համար. Հայացք դեպի ապագա
Հավատարիմ մնալով իր ավանդույթներին և քաջալերելով Մայքրոսոֆթի նորարար տեխնոլոգիաների կիրառումը բոլոր հարթակների համար` Մայքրոսոֆթ ինովացիոն կենտրոն Հայաստանը և «Մայքրոսոֆթ» ԱրԷյ ընկերությունը ուրախ են տեղեկացնել, որ ս. թ. մարտի 2-ին Մայքրոսոֆթ ինովացիոն կենտրոնում տեղի կունենա «Azure-ի կիրառումը Android հարթակի համար» թեմայով մեկօրյա դասընթացը, որը կվարի դ. Նեյլ Ռուդինը: Սա հիանալի հնարավորություն է ընձեռում այն ծրագրավորողներին, ովքեր ցանկանում են խորացնել իրենց գիտելիքները Մայքրոսոֆթի ամպային տեխնալոգիաների և Android հավելվածի համար դրանց կիրառման վերաբերյալ:
Ութ ժամ տևողությամբ այս դասընթացը կօգնի ստեղծել առավել կատարյալ Android հավելվածներ Azure-ի օգնությամբ, որը կբավարարի հազարավոր օգտատերերի պահանջները: Մասնակիցները կծանոթանան Azure-ի յուրահատկություններին և կսովորեն, թե ինչպես Մայքրոսոֆթի և Azure-ի ծառայությունները կարող են օգնել կատարելագործելու հավելվածները: Մասնակիցները հնարավորություն կունենան ինքնուրույն ստեղծել հավելվածներ:
Դասընթացի թեմաներն են`
- Նոր Մայքրոսոֆթ/ Մայքրոսոֆթ և Android
- Բաց Մայքրոսոֆթ, հասանելի բոլոր պլատֆորմներին
- Azure-ի ծառայությունները Android- ի համար
Դասընթացի օրակարգը
10.00-10.30 -Գրանցում
10.30-12.30 -դասախոսություն (2ժամ)
12.30-13.30 ընդմիջում
13.30-15.00 դասախոսություն (1.5ժամ)
15.00-15.30 սուրճի ընդմիջում
15.30-17.00 դասախոսություն (1.5ժամ)
17.00-18.00 հարց/պատասխան
Դասախոսությունը կիրականացվի անգլերեն լեզվով:
Դասախոսի մասին` Դոկտոր Նեյլ Ռուդինը դասախոս է, ձեռներեց և ներդրող: Նա գործում է ծրագրային ապահովման ոլորտում եմ 1980-ական թվականներից: 1990-ականերից նա աշխատում է Մայքրոսոֆթ ընկերությունում: Նրա հաճախորդների թվում են Microsoft-ը, Intel-ը, Nvidia-ը, EDI-ը և շատ ուրիշ կազմակերպություններ: Նա ունի Ծրագրային ապահովման վերաբերյալ բազմաթիվ գրքեր:
Մասնակցությունն անվճար է: Մասնակցելու համար անհրաժեշտ է այցելել https://8eacc6acd3f2491cb1e91259fc20d751.eventday.com/ կայք և գրանցվել: Քանի որ տեղերը սահմանափակ են, ընտրությունը կկատարվի ըստ դիմելու առաջնահերթության:
Վերադարձ
Բացառիկ դասախոսություն անվանի դասախոս Նեյլ Ռուդինի կողմից 
