Ընթացիկ Նորություններ

16.07.2015

Անհատ խորհրդատուի ընտրության մրցույթ

ՀՀ ֆինանսների նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկը հայտնում է, որ Համաշխարհային բանկի «Էլ. հասարակության և մրցունակության համար նորարարության» վարկային ծրագրի շրջանակում «Նորարարական լուծումների և տեխնոլոգիաների կենտրոնի /ՆԼՏԿ/ դասընթացների համակարգող» հանձնարարականի իրականացման համար խորհրդատու ընտրելու նպատակով հայտարարվում է անհատ խորհրդատուի ընտրության մրցույթ: 

ISTC /Innovative Solutions and Technologies Center/ կենտրոնի դասընթացների համակարգողը կկառավարի աշխատուժի զարգացմանն ուղղված ծրագրերի իրականացումը, կպլանավորի, կիրականացնի և կգնահատի կենտրոնի կողմից իրականացվող դասընթացներն ու կրթական նախաձեռնությունները: 

Խորհրդատուն պետք է իրականացնի հետևյալ առաջադրանքները`

• Երևանի խոշոր բուհերի հետ համատեղ պլանավորի և համակարգի Ակադեմիական Ծրագրի շրջանակում կազմակերպվող ուսումնական ծրագրերն ու դասընթացները,
• մշակի, իրականացնի և հետևի ՆԼՏԿ կենտրոնի դասընթացների/կարողությունների զարգացման տարեկան ծրագիրը,
• հավաքագրի ու վարձի երկարաժամկետ և կարճաժամկետ դասավանդող դասախոսներ ՆԼՏԿ կենտրոնում կազմակերպվող դասընթացների անցկացման համար,
• հավաքագրի դասընթացների մասնակիցներին,
• տարածի տեղեկատվություն ՆԼՏԿ կենտրոնի կարողությունների զարգացման/ուսումնական ծրագրերի մասին ՆԼՏԿ կենտրոնի գործընկերների, այդ թվում՝ բուհերի, ՏՏ ընկերությունների, սկսնակ թիմերի և հավանական այլ շահագրգիռ կողմերի շրջանում,
• հետևի դասախոսների աշխատանքին,
• մշակի դասընթացների գնահատման մեթոդաբանություն և կատարի գնահատում, 
• աջակցի ուսումնական նյութերի պատրաստմանը,
• կատարի ուսումնական նյութերի թարգամություն հայերեն, անգլերեն և ռուսերեն լեզուներով՝ ըստ անհրաժեշտության,
• ստանձնի ՆԼՏԿ կենտրոնի ղեկավարի և ՁԻՀ-ի կողմից հանձնարարվող այլ պարտականություններ ու պատասխանատվություններ:

Ծառայությունները նախատեսվում է իրականացնել 2015թ. սեպտեմբերից մինչև 2016թ. հունիսի 30-ը:
Խորհրդատուն պետք է բավարարի հետևյալ որակավորման չափանիշներին և պետք է լինի/ունենա` 

• Բարձրագույն կրթություն (նախընտրելի է ՏՏ-ին անռչվող և/կամ բիզնեսի կառավարման բնագավառում),
• Ծրագրերի կառավարման կամ կրթական/ուսումնական համակարգման առնվազն 3 տարվա աշխատանքային փորձ,
• Ծանոթություն Հայաստանի ՏՀՏ ոլորտի և ոլորտի զարգացման տեղական ու համաշխարհային ներկայիս միտումներին,
• IBM տեխնոլոգիաների իմացություն, 
• Վերլուծական, կառավարման և բանակցային գերազանց հմտություններ,
• Թիմային աշխատանքում ներգրավվելու կարողություն,
• Հաղորդակցման և ներկայացման գերազանց հմտություններ,
• Հայերեն, անգլերեն և ռուսերեն գրավոր և բանավոր խոսքի գերազանց իմացություն,
• MS Office (Excel, Word, PowerPoint, Outlook) ծրագրի խորը իմացություն:

Վերը շարադրված պահանջներին համապատասխանող անհատ խորհրդատուները կարող են մինչև սույն թվականի  հուլիսի 30-ը ներկայացնել հետաքրքրվածության գրություն և կենսագրական թերթիկ ստորև նշված հասցեով:
Հետաքրքրվածության հայտերը կարող են ներկայացվել նաև էլեկտրոնային փոստով:
ՀՀ Ֆինանսների նախարարության

«Արտասահմանյան ֆինանսական ծրագրերի կառավարման կենտրոն» պետական հիմնարկի գործադիր տնօրեն` Է. Ավետյանին

ՀՀ, 0010 ք. Երևան, Տիգրան Մեծ պողոտա 43-րդ հարկ,

Հեռախոս` (374-11) 910 581, 910 590

Ֆաքս. (037410)  545-708

Էլ. փոստ. [email protected]