13.03.2012
Մոբայլ Միկրոաշխատանքի միջազգային մրցույթ
m2Work՝ հազարավոր աշխատատեղեր միլիոնավոր առաջադրանքներից
Եթե Դուք սիրում եք հետաքրքիր գաղափարներ ստեղծել, այս միջոցառումը Ձեր հնարավորությունն է ներգրավվելու համաշխարհային m2Work մրցույթին և ստանալու 1000-ից մինչև 20,000 ԱՄՆ դոլլարին համարժեք մրցանակ ընդամենը հետաքրքիր գաղափար մտածելով և ներկայացնելով:
Մրցույթին Ձեր մասնակցությունը հեշտացնելու համար հրավիրում ենք Ձեզ մասնացկել շաբաթ օրը, մարտի 17-ին, ժամը 10:30-ից – 17:00-ը Արմենիա Մարիոթ հյուրանոցի Տիգրան Մեծ սրահում կայանալիք միջոցառմանը: Մեր մասնագետները Ձեզ կներկայացնեն միկրոաշխատանքի հաջողված օրինակներ և կօգնեն ստեղծել բջջային հեռախոսի համար նախատեսված միկրոաշխատանքի ծրագրի գաղափարներ, ձևակերպել դրանք, և ներկայացնել միջազգային ժյուրիին: Ձեր գաղափարը պետք է առնչվի որևէ առկա խնդրի կամ կարիքի, որոնք կլուծվեն միկրոաշխատանքով, և պետք է ունենա շուկայական պահանջարկ: Դուք կարող եք մասնակցել ինքնուրույն կամ որպես թիմի անդամ: Միջոցառմանը և մրցույթին մասնակցությունն անվճար է:
Միկրոաշխատանքը փոքրածավալ թվային առաջադրանք է, որը մարդիկ կարող են կատարել ցանկացած վայրում՝ լրացուցիչ եկամուտ ստանալու համար: Ներկայումս միկրոաշխատողները օգտվում են հիմնականում համակարգիչներից, ինչը սակայն թանկ հաճույք է և պահանջում է համապատասխան ենթակառուցվածքների առկայություն: Իսկ եթե նրանք կարողանային աշխատել իրենց բջջային հեռախոսներով, ապա զարգացող երկրներում կստեղծվեին ահռելի չափով աշխատատեղեր՝ հաշվի առնելով այն, որ զարգացող երկրներում օգտագործվում է մոտ 5 միլիարդ բջջային հեռախոս:
m2Work («Մոբայլ միկրոաշխատանք») մրցույթը միկրոաշխատանքների ապագան ձևավորելու և զարգացող երկրներում հազարավոր պոտենցիալ միկրոաշխատողներից շատերի համար աշխատանք/եկամուտի աղբյուր ստեղծելու Ձեր հնարավորությունն է:
Միջոցառմանը մասնակցելու համար լրացրեք կից ներկայացված դիմում հայտը և ուղարկեք [email protected], [email protected] էլ. հասցեով: Հայտերի ներկայացման վերջնաժամկետն է 2012թ.-ի մարտի 15-ը:
Հարցերի դեպքում դիմեք «ԷմԼաբ» (www.mlabeca.com) նշված էլ. հասցեներով կամ զանգահարեք 21-97-41(32) հեռախոսահամարով: Մանրամասն տեղեկությունների համար այցելե´ք http://www.mlabeca.com/eng/new_announcements/m2workannounc/ կամ m2Work-ի պաշտոնական կայքէջ՝ www.ideasproject.com/m2Work:
Մասնակցության հայտ
Back
Մոբայլ Միկրոաշխատանքի միջազգային մրցույթ m2Work 
