Ընթացիկ Նորություններ

STEP «Գաղափարից դեպի բիզնես» դրամաշնորհային մրցույթ 2018

13.11.2018

Ձեռնարկությունների ինկուբատոր հիմնադրամը (ՁԻՀ) և ՀՀ տրանսպորտի, կապի և տեղեկատվական տեխնոլոգիաների նախարարությունը հրավիրում են բոլոր հետաքրքրված նորարարներին, սկսնակ թիմերին (startups), գիտնականներին և տեխնոլոգիական ոլորտի ձեռներեցներին մասնակցելու STEP ծրագրի «Գաղափարից դեպի բիզնես» ամենամյա մրցույթին:

«Արդյունաբերական և համակարգային ինժեներություն» պիլոտային ծրագիր

Հայաստանի ազգային պոլիտեխնիկական համալսարանը (ՀԱՊՀ),  Հայաստանի ազգային ճարտարագիտական լաբորատորիաները (ՀԱՃԼ), Ձեռնարկությունների ինկուբատոր հիմնադրամի (ՁԻՀ), Ինժեներական քաղաքի հետ համատեղ և PMI Science-ի օժանդակությամբ ձեռնարկում են աննախադեպ ծրագրի իրականցում։

 

2018-2019 ուս. տարվա համար հայտարարվում է «Արդյունաբերական և համակարգային ինժեներություն» պիլոտային ծրագրի մեկնարկը, որին մասնակցելու համար կարող են հավակնել Տեղեկատվական և հեռահաղորդակցության տեխնոլոգիաների և էլեկտրոնիկայի ինստիտուտի առաջին և երկրորդ կուրսի առկա մագիստրոսական կրթական ծրագրով ուսանող այն անձիք,  ում ՄՈԳ-ը կազմում է 80 և ավելի:

Նախաձեռնության նպատակն է պոլիտեխնիկական համալսարանում կրթել ինժեներների նոր սերունդ՝ ոլորտի աջակցությամբ մշակված կրթական ծրագրի շրջանակներում։

ՀԱՄԱԿԱՐԳԻՉ ԲՈԼՈՐԻ ՀԱՄԱՐ

Ելնելով Հայաստանում թվային ենթակառուցվածքի ստեղծման գործընթացն արագացնելու անհրաժեշտությունից՝ ՀՀ Կառավարությունը, Ձեռնարկությունների Ինկուբատոր հիմնադրամը և Հյուլեթ Պակարդ ընկերությունը նախաձեռնեցին «Համակարգիչ բոլորի համար» ծրագիրը, որի նպատակն է մեծացնել բնակչության կողմից համակարգիչների և արտոնագրված համակարգչային ծրագրերի օգտագործման մակարդակը՝ առաջարկելով մատչելի գներով ժամանակակից և հուսալի համակարգիչներ և ծրագրային ապահովում:


Ծրագրի տնտեսական և սոցիալական առաջնային նպատակներն են.

  • բարձրացնել Հայաստանում անհատական համակարգիչների և ինտերնետ կապի համատարած օգտագործման մակարդակը` մեծացնելով էլեկտրոնային ծառայություններից օգտվողների թիվը, ինչն իր հերթին հիմք կհանդիսանա կառավարության, գործարար շրջանակների, կրթական հաստատությունների և այլ կառույցների կողմից նոր էլեկտրոնային ծառայությունների ներդրման համար,
  • ձևավորել համակարգչային գրագիտությամբ աշխատուժ` զարգացնելով Հայաստանի բնակչության տարբեր տարիքային խմբերի կարողությունները,
  • զարգացնել Հայաստանի ՏՀՏ շուկան` խթանելով համակարգչային սարքավորումների և ծրագրային ապահովման տեղական արտադրության զարգացումը,
  • նվազեցնել Հայաստանում ոչ լիցենզիոն համակարգչային ծրագրերի օգտագործման մակարդակը` առաջարկելով նախապես տեղադրված լիցենզիոն ծրագրային փաթեթներ: 

Ծրագրի փորձնական փուլը հաջողությամբ ավարտվեց 2010թ.-ին, որն անցկացվեց ՀՀ Կառավարության, ՁԻՀ-ի, Հյուլեթ Պակարդ ընկերության, Յունիքոմպ ՓԲԸ-ի ԱԿԲԱ Կրեդիտ Ագրիկոլ բանկի համատեղ ջանքերով: Փորձնական փուլում Երևանում, Գյումրիում և Վանաձորում ընտրված մանրածախ վաճառքի կետերում իրականացվեց համակարգիչների և հարակից սարքերի վաճառք մատչելի պայմաններով հատուկ մշակված ֆինանսական մեխանիզմների շնորհիվ: 


Քանի որ ծրագիրն արդեն մեծ տարածում է գտել թե՛ Երևանում, թե՛ մարզերում, այժմ մշակվում է ծրագրի լայնածավալ իրականացման փուլը՝ համակարգիչների ձեռքբերումը բոլոր մարզերում հնարավոր դարձնելու համար: 2011թ. ծրագրին միացան ՀՀ Կենտրոնական բանկը, Համաշխարհային Բանկը, ԱՄՆ Միջազգային զարգացման գործակալությունը (USAID), Մայքրոսոֆթ ընկերությունը, Օրանժ Արմենիա ընկերությունը և մի շարք բանկեր ու մատակարարներ: 2011թ. մայիսին ՁԻՀ-ը հայտարարեց բաշխման ցանցի ընդլայնման մասին, որը ՀՀ քաղաքացիներին թույլ կտա «Համակարգիչ բոլորի համար» ծրագրի շրջանակում ձեռք բերել սեղանի և դյուրակիր համակարգիչներ Օրանժ Արմենիա ընկերության բոլոր վաճառքի կետերում: Բացի այդ, ծրագրի շահառուները կստանան ինտերնետային կապի հատուկ առաջարկներ, ինչը ևս կնպաստի ինտերնետային կապի մատչելիության և բնակչության էլեկտրոնային ակտիվության մեծացմանը:


Կոնտակտային տվյալների և համակարգիչների մասնագրերի, գների և մանրածախ վաճառքի կետերի հասցեների մասին մանրամասն տեղեկատվության համար այցելե՛ք www.computerforall.am:



Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ | ԲԼՈԳ