Ընթացիկ Նորություններ

STEP «Գաղափարից դեպի բիզնես» դրամաշնորհային մրցույթ 2018

13.11.2018

Ձեռնարկությունների ինկուբատոր հիմնադրամը (ՁԻՀ) և ՀՀ տրանսպորտի, կապի և տեղեկատվական տեխնոլոգիաների նախարարությունը հրավիրում են բոլոր հետաքրքրված նորարարներին, սկսնակ թիմերին (startups), գիտնականներին և տեխնոլոգիական ոլորտի ձեռներեցներին մասնակցելու STEP ծրագրի «Գաղափարից դեպի բիզնես» ամենամյա մրցույթին:

«Արդյունաբերական և համակարգային ինժեներություն» պիլոտային ծրագիր

Հայաստանի ազգային պոլիտեխնիկական համալսարանը (ՀԱՊՀ),  Հայաստանի ազգային ճարտարագիտական լաբորատորիաները (ՀԱՃԼ), Ձեռնարկությունների ինկուբատոր հիմնադրամի (ՁԻՀ), Ինժեներական քաղաքի հետ համատեղ և PMI Science-ի օժանդակությամբ ձեռնարկում են աննախադեպ ծրագրի իրականցում։

 

2018-2019 ուս. տարվա համար հայտարարվում է «Արդյունաբերական և համակարգային ինժեներություն» պիլոտային ծրագրի մեկնարկը, որին մասնակցելու համար կարող են հավակնել Տեղեկատվական և հեռահաղորդակցության տեխնոլոգիաների և էլեկտրոնիկայի ինստիտուտի առաջին և երկրորդ կուրսի առկա մագիստրոսական կրթական ծրագրով ուսանող այն անձիք,  ում ՄՈԳ-ը կազմում է 80 և ավելի:

Նախաձեռնության նպատակն է պոլիտեխնիկական համալսարանում կրթել ինժեներների նոր սերունդ՝ ոլորտի աջակցությամբ մշակված կրթական ծրագրի շրջանակներում։

Cisco ՑԱՆՑԱՅԻՆ ԱԿԱԴԵՄԻԱ

 

Cisco Ցանցային ակադեմիան Հայաստանում հիմնադրվել է ՁԻՀ-ի, Յունիքոմպ ՓԲԸ-ի և ցանցային ու հաղորդակցման տեխնոլոգիաների և ծառայությունների ոլորտի համաշխարհային առաջատար «Սիսկո Սիստեմզ» ընկերության ռազմավարական համագործակցության արդյունքում:


Cisco Ցանցային ակադեմիան գործում է 2010թ.-ից՝ նպատակ ունենալով ստեղծել ՏՏ ոլորտի աշխատուժի զարգացման արդյունավետ ծրագրեր և բարձրացնել Հայաստանի գործարար և կրթական ոլորտներում համակարգիչների և առաջատար ծրագրային ապահովումների ներդրման մակարդակը:


Դասընթացները Cisco Ցանցային ակադեմիայում անցկացվում են ինչպես առցանց, այնպես էլ տեղում, որոնք թույլ են տալիս ՏՏ ոլորտի ուսանողներին և մասնագետներին ձեռք բերել տեղեկատվական և հեռահաղորդակցության տեխնոլոգիաների արժեքավոր գիտելիքներ և օգտվել գլոբալ տնտեսության առաջարկած հնարավորություններից: Ակադեմիան դասընթացների մասնակիցներն տալիս է բարձրակարգ կրթություն՝ տրամադրելով առցանց ուսումնական բովանդակություն և առաջադիմության գնահատման համակարգ, գործնական պարապմունքների լաբորատորիաներ և ուսումնական ինտերակտիվ նյութեր: Ցանցային ակադեմիայի դասընթացները խթանում են գիտելիքների գործնական կիրառումը և ուսանողներին տալիս են աշխատանքային կարիերայի զարգացման, կրթությունը շարունակելու և համաշխարհային ճանաչում ունեցող հավաստագրման գործընթացներին մասնակցելու լայն հնարավորություններ:


Ներկայումս ակադեմիայում անցկացվում են մասնագիտական կատարելագործման երկարաժամկետ CCNA (Cisco Certified Networking Associate) և CCNP (Cisco Certified Networking Professional) դասընթացներ: Այս դասընթացների մասնակիցներին տրվող վկայագրերն ունեն համաշխարհային ճանաչում և ստեղծում են մասնագիտական առաջխաղացման նոր հնարավորություններ:


Մանրամասն տեղեկությունների համար այցելե՛ք http://www.cisco.com/web/learning/netacad/index.html:



Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ | ԲԼՈԳ