Ընթացիկ Նորություններ

Գործավար

Գործավար

Ձեռնարկությունների ինկուբատոր հիմնադրամը (EIF) փնտրում է բարձր պատասխանատվության զգացումով գործավար՝ կազմակերպության գործառնական աշխատանքների կազմակերպումն արդյունավետ ապահովելու նպատակով։

Համաֆինանսավորվող դրամաշնորհների մրցույթ

ՀԱՅՏԱՐԱՐՈՒԹՅՈՒՆ

Ձեռնարկությունների Ինկուբատոր Հիմնադրամը ՀՀ կառավարության և Համաշխարհային Բանկի աջակցությամբ «Առևտրի խթանման և որակի ենթակառուցվածքի» ծրագրի շրջանակում, հայտարարում է Համաֆինանսավորվող դրամաշնորհների մրցույթ, որը ներառում է Նորարարության զարգացման համաֆինանսավորվող դրամաշնորհներ (ՆԶՀԴ) և Մարզային համաֆինանսավորվող դրամաշնորհներ (ՄՀԴ):

Բուհերի ուսանողները դասընթացներ կանցկացնեն Գյումրու տեխնոպարկում

09.09.2014

 

 

Բարձրագույն կրթական հաստատությունների ուսանողները մեխանիկայիէլեկտրոնիկայի և հեռահաղորդակցության ոլորտի

դասընթացները կանցկացնեն Գյումրու տեխնոլոգիական կենտրոնում

 

Նոր ուսումնական տարվա ընթացքում Գյումրու տեխնոլոգիական կենտրոնը (ԳՏԿ) ակտիվ համագործակցում է  բարձրագույն կրթական հաստատությունների հետ: Սեպտեմբերի 8-ից սկսած  Հայաստանի պետական ճարտարագիտական համալսարանի (ՀՊՃՀ) Գյումրու մասնաճյուղի, Վանաձորի մասնաճյուղի և Շիրակի Տարածաշրջանային Պետական Քոլեջի Մեխանիկայի, էլեկտրոնիկայի և հեռահաղորդակցության ոլորտի դասընթացները կանցկացվեն տեխնոպարկի ինժեներական լաբորատորիաներում՝ համաձայն բուհերի դասացուցակների:

 

Այս համագործակցության շնորհիվ ԳՏԿ-ում առկա Մեխանիկայի և Էլեկտրոնիկայի լաբորատորիաների մասնագիտական կիրառումը կօգնի տեղի բուհերի ուսանողներին փորձարկումներ կատարել գործնական միջավայրում, զուգորդել տեսական գիտելիքը գործնականի հետ և իրականացնել թիմային աշխատանքներ:

Տեղեկացնենք նաև, որ Գյումրու տեխնոլոգիական կենտրոնի և բարձրագույն ուսումնական հաստատությունների համագործակցության շրջանակներում սեպտեմբերի 1-ից տեխնոպարկի Մեխանիկայի և Էլեկտրոնիկայի լաբորատորիաներում ԼաբՎյու ծրագրավորման վերապատրաստման դասընթացներ են անցնում ՀՊՃՀ Գյումրու մասնաճյուղի 10 դասախոսներ: Դասընթացների տևողությունը 3 ամիս է: Վերապատրաստման դասընթացների նպատակը դասախոսների կողմից առկա լաբորատոր սարքավորումների կիրառումն է Լաբվյու միջավայրում:


 

Գյումրու տեխնոլոգիական կենտրոնի ծրագիրն իրականացվում է Ձեռնարկությունների Ինկուբատոր հիմնադրամի, ՀՀ կառավարության և Համաշխարհային բանկի կողմից: Կենտրոնի գործունեության հիմնական նպատակներից են տեխնիկական և գործարար հմտությունների զարգացումը, տեխնոլոգիական ձեռներեցության խթանումը, ոլորտում նորարար գիտահետազոտական աշխատանքների առևտրայնացումը, նոր աշխատատեղերի ստեղծումը և այլն:


ԳՏԿ-ում գործում են մուլտիմեդիայի (Photoshop, CoralDraw, 3d max, Auto CAD, AE, Rhino, Basics of Art, խաղեր և այլ), ճարտարագիության (Մեխանիկա, Էլեկտրոնիկա և Հեռահաղորդակցություն), մաքուր տեխնոլոգիաների (Clean Technologies, Entrepreneurship, Innovation) և մոբայլ տեխնոլոգիաների  (Android և IOS ծրագրավորում, անիմացիա, խաղեր) լաբորատորիաներ: 




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ | ԲԼՈԳ