Ընթացիկ Նորություններ

Գործավար

Գործավար

Ձեռնարկությունների ինկուբատոր հիմնադրամը (EIF) փնտրում է բարձր պատասխանատվության զգացումով գործավար՝ կազմակերպության գործառնական աշխատանքների կազմակերպումն արդյունավետ ապահովելու նպատակով։

Համաֆինանսավորվող դրամաշնորհների մրցույթ

ՀԱՅՏԱՐԱՐՈՒԹՅՈՒՆ

Ձեռնարկությունների Ինկուբատոր Հիմնադրամը ՀՀ կառավարության և Համաշխարհային Բանկի աջակցությամբ «Առևտրի խթանման և որակի ենթակառուցվածքի» ծրագրի շրջանակում, հայտարարում է Համաֆինանսավորվող դրամաշնորհների մրցույթ, որը ներառում է Նորարարության զարգացման համաֆինանսավորվող դրամաշնորհներ (ՆԶՀԴ) և Մարզային համաֆինանսավորվող դրամաշնորհներ (ՄՀԴ):

Հաշմանդամություն ունեցող 120 աշակերտ յուրացրեց համակարգչային գիտելիքներ

06.05.2015

«Միասին հանուն  փոփոխության» ծրագրի արդյունքում համշանդամություն ունեցող 120 աշակերտ ձեռք բերեց համակարգչային գիտելիքներ


Մայիսի 5-ին Գյումրու տեխնոլոգիական կենտրոնում տեղի ունեցավ  «Միասին հանուն  փոփոխության» ծրագրի փակման հանդիսավոր արարողությունը։  6 ամիս շարունակ Ձեռնարկությունների Ինկուբատոր Հիմնադրամը և Գյումրու Տեխնոլոգիական Կենտրոնն իրականացնում էին «Միասին հանուն փոփոխության» ծրագիրը, որի շնորհիվ Շիրակի մարզի հաշմանդամություն ունեցող շուրջ 120 աշակերտ հնարավորություն ստացավ ուսուցանելու համակարգչային տարրական գիտելիքներ և համացանցի օգտագործման հմտություններ: Դասընթացներին զուգահեռ իրականացվեցին նաև քաղաքացիական կրթության թեմայով սեմինարներ, ինչի արդյունքում մասնակիցները ձեռք բերեցին գիտելիքներ մարդու իրավունքների, ընտրությունների, ժողովրդավարության և այլ հարցերի շուրջ:


Ծրագրի նպատակն էր Շիրակի մարզի հաշմանդամություն ունեցող երեխաների և երիտասարդների համար ապահովել որակյալ կրթության հավասար հնարավորություններ:


Միջոցառմանը մասնակցում էին ՀՀ Շիրակի մարզպետի տեղակալ Հարություն Արշակյանը, Գյումրու քաղաքապետի տեղակալ Վաղինակ Մխիթարյանը, Հաշմանդամների «Փյունիկ» միության Գյումրու մասնաճյուղի ղեկավար Արմինե Նիկողոսյանը և հասարակական կազմակերպությունների տարբեր ներկայացուցիչներ։ 
Ծրագիրն իրականացվել է ԱՄՆ դեսպանության աջակցությամբ: 




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ | ԲԼՈԳ