Ընթացիկ Նորություններ

Նորարարություններին ուղղված համաֆինանսավորվող դրամաշնորհ

«Աջակցություն ՓՄՁ զարգացմանը Հայաստանում» ծրագիրը, որը համաֆինանսավորվում է Եվրամիության, ինչպես նաև Գերմանիայի դաշնային հանրապետության տնտեսական համագործակցության և զարգացման նախարարության կողմից և իրականացվում է ԳՄՀԸ «Մասնավոր հատվածի զարգացումը Հարավայի Կովկասում» ծրագրի շրջանակում, Ձեռնարկությունների ինկուբատոր հիմնադրամի հետ համագործակցությամբ հայտարարում է դրամաշնորհային նոր մրցույթ: 

“Learn to Code! It’s Fun!” խորագրով միջոցառում եվրոպական ծրագրավորման

Հոկտեմբերի 21-ին Երևանում առաջին անգամ անցկացվեց “Learn to Code! It’s Fun!” խորագրով միջոցառում եվրոպական ծրագրավորման ամենամեծ իրադարձության՝ EU Code Week-ի շրջանակներում: Միջոցառումը նախաձեռնել էր Ձեռնարկությունների Ինկուբատոր Հիմնադրամի (EIF)  Հայ-Հնդկական ՏՀՏ Գերազանցության Կենտրոնը (AITC), միջոցառման աջակիցն էր GOOGLE-ը:

Գյումրու տեխնոլոգիական կենտրոնում անցկացվում է ամառային դպրոց

20.08.2014


Գյումրու տեխնոլոգիական կենտրոնում անցկացվում է ամառային դպրոց



Գյումրի քաղաքի ավագ դպրոցի 43 աշակերտ ներկայումս մասնակցում է ամառային դպրոցի, որը կազմակերպել է Ձեռնարկությունների Ինկուբատոր հիմնադրամը՝ «Գյումրու տեխնոլոգիական կենտրոն»-ի շրջանակում: Ամառային դպրոցի ծրագրում ներառված են անգլերենի, ցանցային և ծրագրավորման հիմունքների դասընթացներ: Ամառային դպրոցը մեկնարկել է հունիսին և տևելու է մինչ օգոստոս ամսվա վերջ:


«Արդեն մոտ երկու ամիս է, ինչ հաճախում եմ Գյումրու տեխնոլոգիական կենտրոնի ամառային դպրոցի դասընթացներին: Ամառային արձակուրդներս ավելի արդյունավետ անցկացնելու նպատակով որոշեցի դիմել դասընթացներին և փորձել ուժերս այս ոլորտում: Հիմա կարող եմ վստահորեն ասել, որ, շնորհիվ Գյումրու տեխնոլոգիական կենտրոնի և նրա հմուտ դասախոսական կազմի, որեշեցի շարունակել կրթությունս այս ոլորտում և հասնել նորանոր հաջողությունների»,- նշում է մասնակից Նարինե Խաչատրյանը:


«Գյումրու տեխնոլոգիական կենտրոն» ծրագիրն իրականացվում է Ձեռնարկությունների Ինկուբատոր հիմնադրամի, ՀՀ կառավարության և Համաշխարհային բանկի կողմից: Կենտրոնի գործունեության հիմնական ուղղությունները միտված են տեխնիկական և գործարար հմտությունների զարգացմանը, տեխնոլոգիական ձեռներեցության խթանմանը, տեղեկատվական և բարձր տեխնոլոգիաների ոլորտում նորարար գիտահետազոտական աշխատանքների առևտրայնացմանը, նոր տեխնոլոգիական ընկերությունների ձևավորմանը: 





Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ