Ընթացիկ Նորություններ

ԱՍՊԻՐԱՆՏՆԵՐԻ ԱՋԱԿՑՈՒԹՅԱՆ ԾՐԱԳԻՐ

ՀԱՅՏԱՐԱՐՈՒԹՅՈՒՆ

Ասպիրանտների աջակցության ծրագիր

 

ՀՀ համալսարանների և գիտահետազոտական ինստիտուտների ասպիրանտները հրավիրվում են մասնակցելու PMI Science -ի աջակցությամբ Ձեռնարկությունների Ինկուբատոր Հիմնադրամի կողմից իրականացվող Ասպիրանտների աջակցության ծրագրին (PhD Support Program)։

ՀԵՏԱԶՈՏԱԿԱՆ ԱՇԽԱՏԱՆՔՆԵՐԻ ՖԻՆԱՆՍԱՎՈՐՄԱՆ ԾՐԱԳԻՐ

ՀԱՅՏԱՐԱՐՈՒԹՅՈՒՆ

Հետազոտական Աշխատանքների Ֆինանսավորման Ծրագիր

ՀՀ համալսարանների և գիտահետազոտական ինստիտուտների հետազոտական  թիմերը հրավիրվում են մասնակցելու PMI Science -ի աջակցությամբ Ձեռնարկությունների ինկուբատոր հիմնադրամի կողմից   իրականացվող Հետազոտական աշխատանքների ֆինանսավորման (Faculty Research Funding) ծրագրին։

R&D լաբորատորիա Հայ-հնդկական ՏՀՏ գերազանցության կենտրոնում

26.01.2016


R&D լաբորատորիա Հայ-հնդկական ՏՀՏ գերազանցության կենտրոնում


Ձեռնարկությունների ինկուբատոր հիմնադրամի Հայ-հնդկական ՏՀՏ գերազանցության կենտրոնը ուսումնական գործունեության հետ մեկտեղ իրականացնում է արդի գիտահետազոտական աշխատանքներ ՊԱՐԱՄ գերհամակարգչի օգնությամբ, անհրաժեշտ սարքավորումներով, ծրագրային ապահովմամբ և գրականությամբ: Կենտրոնում հնարավոր են գիտահետազոտական աշխատանքների հետևյալ կիրառություները` բիոինֆորմատիկա, վերջավոր տարրերի անալիզ, սեյսմոլոգիա, նյութական գիտություններ, կլիմայագիտություն, հաշվողական քիմիա, հաշվողական հիդրոդինամիկա: 


Ներկայումս ՊԱՐԱՄ գերհամակարգչով աշխատանքներ են վարվում ԵՊՀ դասախոսական անձնակազմի կողմից` «ՌՆԹ-ի մոլեկուլների մոդելավորում թեմայով»` մոլեկուլային դինամիկայի մեթոդով օգտագործելով GROMACS ծրագրային փաթեթը: ԵՊՀ Ֆիզիկական քիմիայի ամբիոնի հետ համատեղ իրականացվում է նաև բարդ մոլեկուլների էլեկտրոնային կառուցվածքների հետազոտություններ օգտագործելով՝ Gaussian 09 ծրագրավորման փաթեթը:Հայ-հնդկական ՏՀՏ ուսումնական կենտրոնը ՀՀ ԳԱԱ հետ համատեղ մշակել է նաև  նոր ծրագիր՝ Հնդկաստանի C-DAC կազմակերպության հետ, որի նպատակն է ստեղծել Բարձր արագագործության համակարգչային հետազոտությունների տարածաշրջանային կենտրոն Հայաստանում: Ծրագիրն այժմ քննարկման փուլում է:


Հայ-հնդկական ՏՀՏ գերազանցության կենտրոնը հիմնվել է Հայաստանի և Հնդկաստանի կառավարությունների միջև 2009թ. հունիսին կնքված Փոխհամաձայնության հուշագրի շրջանակում: Կենտրոնի հիմնական առաքելությունն է Հայաստանում ստեղծել ՏՀՏ մասնագիտական ուսուցման և այդ ոլորտում գիտահետազոտական աշխատանքների իրականացման համար հատուկ միջավայր, որը մեծապես կնպաստի երկրում համաշխարհային մակարդակի բարձրակարգ ՏՀՏ ոլորտի աշխատուժի զարգացմանը: 




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ | ԲԼՈԳ