Ընթացիկ Նորություններ

Նորարարություններին ուղղված համաֆինանսավորվող դրամաշնորհ

«Աջակցություն ՓՄՁ զարգացմանը Հայաստանում» ծրագիրը, որը համաֆինանսավորվում է Եվրամիության, ինչպես նաև Գերմանիայի դաշնային հանրապետության տնտեսական համագործակցության և զարգացման նախարարության կողմից և իրականացվում է ԳՄՀԸ «Մասնավոր հատվածի զարգացումը Հարավայի Կովկասում» ծրագրի շրջանակում, Ձեռնարկությունների ինկուբատոր հիմնադրամի հետ համագործակցությամբ հայտարարում է դրամաշնորհային նոր մրցույթ: 

“Learn to Code! It’s Fun!” խորագրով միջոցառում եվրոպական ծրագրավորման

Հոկտեմբերի 21-ին Երևանում առաջին անգամ անցկացվեց “Learn to Code! It’s Fun!” խորագրով միջոցառում եվրոպական ծրագրավորման ամենամեծ իրադարձության՝ EU Code Week-ի շրջանակներում: Միջոցառումը նախաձեռնել էր Ձեռնարկությունների Ինկուբատոր Հիմնադրամի (EIF)  Հայ-Հնդկական ՏՀՏ Գերազանցության Կենտրոնը (AITC), միջոցառման աջակիցն էր GOOGLE-ը:

Շարունակվում են խրախուսվել ինովացիոն գաղափարներ

25.03.2015


Շարունակվում են խրախուսվել ինովացիոն գաղափարներն ու տեխնոլոգիանական նոր ընկերությունների հիմնումը


Ձեռնարկությունների Ինկուբատոր հիմնադրամը, ՀՀ Էկոնոմիկայի նախարարության և Համաշխարհային բանկի աջակցությամբ, խրախուսում է ինովացիոն գաղափարների կյանքի կոչումն ու նպաստում տեխնոլոգիական ոլորտի նոր ընկերությունների ստեղծմանը: Այս նպատակով մարտի 23-24-ը կազմակերպվել էր համաֆինանսավորվող դրամաշնորհային մրցույթ, որի ընթացքում 12 տեխնոլոգիական նախագծեր հաղթող ճանաչվեցին: 


«Գաղափարները, որոնք հաղթում են, իրենց կիրառությունը դեռ կստանան: Դա որոշակի գործընթաց է ենթադրում` կազմակերպության ստեղծում , փորձառական նմուշի ձևավորում, այնուհետև սերիական արտադրություն: Ավելորդ չեմ համարի ասել, որ Ազգային Ժողովի կողմից ընդունվեց տեղեկատվական տեխնոլոգիաների աջակցության մասին օրենսդարական փաթեթը, համաձայն որի` նոր ստեղծվող ընկերություններին տրամադրվում են հարկային արտոնություններ: Դա շատ շահավետ է այս գաղափարների հաղթողների համար, քանի որ նրանք հայտնվում են արտոնյալ դաշտում և ավելի հեշտացված ռեժիմով կարող են իրականացնել իրենց գործունեությունը»,- ընդգծեց ՀՀ էկոնոմիկայի փոխնախարար Էմիլ Տարասյանը` իր գոհունակությունը հայտնելով առ այն, որ տարեցտարի նկատվում է մրցույթների մասնակիցների թվաքանակի աճ:


«Որպես տեխնոլոգիական ոլորտի բիզնես ինկուբատոր՝ մեր նպատակն է Հայաստանում ձևավորել տեղեկատվական տեխնոլոգիաների և բարձր տեխնոլոգիաների ոլորտի զարգացմանը նպաստող համապատասխան միջավայր, նպաստել տեխնոլոգիական ոլորտի ընեկրությունների ստեղծմանը, մատչելի դարձնել միջազգային գիտելիքը և ֆինանսավորման աղբյուրները: Համաֆինանսավորվող դրամաշնորհային մրցույթը մեր նպատակներն իրականացնելու միջոցներից մեկն է, որի արդյունքում ստեղծվում են նոր տեխնոլոգիաներով աշխատող ընկերություններ ամբողջ Հայաստանում»,-նշեց Ձեռնարկությունների Ինկուբատոր հիմնադրամի տնօրեն Բագրատ Ենգիբարյանը: 


«Հայաստանն ունի հեռահաղորդակցական և տեղեկատվական տեխնոլոգիաների զարգացման մեծ ներուժ: Գրեթե յուրաքանչյուր ոք Հայաստանում ունի ինովացիոն գաղափար ու նախագիծ, ինչը շատ ուրախալի է», - հայտնեց Համաշխարհային բանկի ծրագրերի ավագ մասնագետ Սանդրա Սարջենտը:


Նորարարության զարգացման համաֆինանսավորվող մրցույթում հաղթող ճանաչվեց 7 նախագիծ, դրանք են՝ «Վանդելիոն», «ՋիՋիՏաքսի», «Մայ դեյ եթ հոմ», «Փեննի», «Ֆլաքսթոն», «Մոբայլ Քլասռում» և «ԷկոԹեքնոլոջիս»:


Գյումրու համաֆինանսավորվող դրամաշնորհային մրցույթի 4 հաղթող նախագծերն են «Ֆամբոքս», «Բրիք Էվոլյուշն», «Մուվի Թրիփ» և «ԷկոՍնեպ»: Իսկ Վանաձորի համաֆինանսավորվող մրցույթում հաղթող ճանաչվեց մեկ նախագիծ՝ «Ի-Վոկա նախագիծ»:  Նորարարության զարգացման համաֆինանսավորվող դրամաշնորհի շրջանակում նախագծեր իրականացնելու համար հեղինակները կստանան 50 տոկոս համաֆինանսավորում, իսկ Գյումրիում և Վանաձորում իրականացվող նախագծերը` 85 տոկոս:


Դրամաշնորհային գումարը յուրաքանչյուր նախաձեռնության համար կազմում է նվազագույնը 10000 ԱՄՆ դոլար, իսկ առավելագույնը՝ 50000 ԱՄՆ դոլար։ Ներկայացվող ծրագրի առավելագույն տևողությունը 1 տարի է: Մրցութային 2-րդ փուլին մասնակցության հայտ էին ներկայացրել 55 ընկերություններ և թիմեր, որոնցից 39-ը գնահատող հանձաժողովի կողմից հնարավորություն է ստացել մասնակցելու ներկայացումների փուլին: Գնահատող հանձնաժողովը կազմված է ՀՀ Էկոնոմիկայի նախարարության, «Գրանատուս վենչուրային հիմնադրամի» և մասնավոր հատվածի ներկայացուցիչներից:


Ներկայումս հայտարարված է նաև մրցույթի 3-րդ փուլը և մասնակցել ցանկացողները կարող են հայտեր ներկայացնել մինչև ապրիլի 17-ը:




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ