Ընթացիկ Նորություններ

Նորարարություններին ուղղված համաֆինանսավորվող դրամաշնորհ

«Աջակցություն ՓՄՁ զարգացմանը Հայաստանում» ծրագիրը, որը համաֆինանսավորվում է Եվրամիության, ինչպես նաև Գերմանիայի դաշնային հանրապետության տնտեսական համագործակցության և զարգացման նախարարության կողմից և իրականացվում է ԳՄՀԸ «Մասնավոր հատվածի զարգացումը Հարավայի Կովկասում» ծրագրի շրջանակում, Ձեռնարկությունների ինկուբատոր հիմնադրամի հետ համագործակցությամբ հայտարարում է դրամաշնորհային նոր մրցույթ: 

“Learn to Code! It’s Fun!” խորագրով միջոցառում եվրոպական ծրագրավորման

Հոկտեմբերի 21-ին Երևանում առաջին անգամ անցկացվեց “Learn to Code! It’s Fun!” խորագրով միջոցառում եվրոպական ծրագրավորման ամենամեծ իրադարձության՝ EU Code Week-ի շրջանակներում: Միջոցառումը նախաձեռնել էր Ձեռնարկությունների Ինկուբատոր Հիմնադրամի (EIF)  Հայ-Հնդկական ՏՀՏ Գերազանցության Կենտրոնը (AITC), միջոցառման աջակիցն էր GOOGLE-ը:

mLab տեխնիկական ղեկավար անհատ խորհրդատուի ընտրության մրցույթ

29.12.2014

«Մոբայլ լուծումների տարածաշրջանային լաբորատորիայի (mLab) տեխնիկական ղեկավար» անհատ խորհրդատուի ընտրության մրցույթ


ՀՀ ֆինանսների նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկը հայտնում է, որ Համաշխարհային բանկի «Էլ. հասարակության և մրցունակության համար նորարարության» վարկային ծրագրի շրջանակում «Մոբայլ լուծումների տարածաշրջանային լաբորատորիայի (mLab) տեխնիկական ղեկավար (մենեջեր)» հանձնարարականի իրականացման համար խորհրդատու ընտրելու նպատակով հայտարարվում է անհատ խորհրդատուի ընտրության մրցույթ: Այս հանձնարարականի հիմնական նպատակն է՝ տրամադրել տեխնիկական աջակցություն mLab-ի թիմերին, սկսնակ ընկերություններին և այլ շահառուներին, որը կներառի տեխնինկական ուղղորդում, խորհրդատվություն օպտիմալ տեխնոլոգիայի, կառուցվածքի, ծրագրային ապահովման մշակման գործընթացների  վերաբերյալ:Տեխնիկական ղեկավարը կիրականացնի հետևյալ գործառույթները՝

  • Ապահովի mLab ECA-ի պատշաճ ներկայացումը և ծառայությունների  շուկա դուրս բերումը,
  • Ղեկավարի mLab ECA-ի գործունեությունը, ներառյալ կենտրոնի անձնակազմի/խորհրդատուների ընտրություն, ֆինանսական և գործառնական համակարգում և վերահսկողություն և այլն,
  • Ղեկավարի mLab ECA-ի կողմից մոբայլ ոլորտի գործարարներին մատուցվող ծառայությունների ընթացակարգերը, ներառյալ հնարավոր շահառու թիմերի/ընկերությունների ընտրությունը, ինչպես նաև աջակցություն տրամադրի ձեռնարկատերերին բիզնես և տեխնիկական խնդիրների լուծման հարցում,
  • Տրամադրի խորհրդատվություն դասընթացներ կազմակերպող թիմին՝ ժամանակակից տեխնոլոգիաների ուղղությամբ ուսումնական ծրագրերի, դասընթացների բովադակության կազմման և դասախոսների ընտրության հարցում,
  • Տրամադրի ուղղորդման և խորհրդատվության ծառայություններ սկսնակ ընկերություններին, ծրագրավորողներին և mLab ECA-ի այլ հաճախորդներին,
  • Աջակցի mLab ECA-ում գաղափարների գեներացման և արտադրանքի մշակման գործընթացներին,
  • Ստեղծի արդյունավետ և համագործակցային աշխատանքային միջավայր՝ արդյունավետ կառավարման և mLab ECA-ի աշխատակիցների և հաճախորդների կողմից բարձրացված խնդիրների պատրաստակամ կերպով լուծման միջոցով,
  • Ապահովի mLab-ի՝ ՁԻՀ-ի հետ համաձայնեցված գործունեության նպատակների և սկզբունքների հստակ հաղորդակցումը  mLab ECA-ի տեխնիկական անձնակազմին և գործընկերներին և տեղեկացնի ՁԻՀ-ին ցանկացած խնդիրների վերաբերյալ,
  • mLab ECA-ի ծրագրերի/գործունեության վերաբերյալ ամսական հաշվետվություններ և այլ պահանջվող փաստաթղթեր տրամադրի ՁԻՀ-ին:


Ծառայությունները նախատեսվում է իրականացնել 2015թ. փետրվարից` մեկ տարվա ընթացքում՝ հետագա երակարացման հնարավորությամբ:
Խորհրդատուն պետք է բավարարի հետևյալ որակավորման չափանիշներին և պետք է լինի/ունենա`

  • Բարձրագույն կրթություն,
  • Զգալի փորձ (ավելի քան 5 տարի) խոշոր ՏՏ/ԲՏ ընկերություններում որպես ծրագրավորող և/կամ թիմի ղեկավար,
  • Մոբայլ տեխնոլոգիաների իմացություն, 
  • Թիմային աշխատանքը կազմակերպելու և կառավարելու ունակություն,
  • Հաղորդակցման և ներկայացման գերազանց հմտություններ,
  • Գրավոր և բանավոր հայերենի, անգլերենի և ռուսերենի գերազանց իմացություն:


Վերը շարադրված պահանջներին համապատասխանող անհատ խորհրդատուները կարող են մինչև 2015թ. հունվարի 23-ը ներկայացնել հետաքրքրվածության գրություն և կենսագրական թերթիկ ստորև նշված հասցեով` նշելով ծրագրի անվանումը և այն պաշտոնը, որին դիմում եք:


Հետաքրքրվածության հայտերը կարող են ներկայացվել նաև էլեկտրոնային փոստով:
ՀՀ Ֆինանսների նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկի գործադիր տնօրեն` Էդգար Ավետյանին

Երևան 0010, Տիգրան Մեծի պողոտա 4, 3-րդ հարկ

Հեռախոս. (037411) 910 581, 910 590

Էլ. փոստ. info@ffpmc.am 




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ