Ընթացիկ Նորություններ

Ներգրավվող արվեստագետներ - Black Box Hub

ՀԱՅՏԱՐԱՐՈՒԹՅՈՒՆ


Հրավիրում ենք Հայաստանում բնակվող արտիստների ուշադրությունը․ «Ձեռնարկությունների ինկուբատոր» հիմնադրամը (ՁԻՀ) փնտրում է տաղանդավոր արտիստների՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում։

Վեբ կայքերի մշակման ծառայություններ - Black Box Hub

ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում հայտարարում է ամրագրման/տոմսերի վաճառքի համակարգի ինտեգրմամբ, լիարժեք գործող էլեկտրոնային առևտրի կայքի ստեղծման մրցույթ՝ Վեբ կայքերի մշակման ծառայություններ մատուցող որակավորված կազմակերպությունների համար: 

Նոր դասընթաց “IBM SPSS” թեմայով

3.03.2015

Նոր դասընթաց “IBM SPSS” թեմայով

 

IBM Նորարական Լուծումների և Տեխնոլոգիաների Կենտրոնը,  Հայ-Հնդկական ՏՀՏ Գերազանցության Կենտրոնը, Datamotus և  Ձեռնարկությունների Ինկուբատոր Հիմնադրամը հայտարարում են նոր դասընթաց`“IBM SPSS” թեմայով, որը տեղի է ունենալու  մարտի 16-ից մինչև ապրիլի 12ը: Դասընթացի տևողությունը 48 ժամ է: Դասընթացը տեղի է ունենալու Հայ-Հնդկական ՏՀՏ Գերազանցության Կենտրոնում, 18։30 –ից մինչև 21։00, ամեն օր բացի շաբաթ և կիրակի օրերից։  


Հաբեթ Մադոյանը IBM SPSS Statistics Level 1 որակավորված մասնագետ է: Նա ունի Կառավարման մագիստրոսի կոչում (MBA) Քոլումբիայի (Միսսուրի) համալսարանից, որտեղ մասնագիտացել է մարկետինգային հետազոտությունների մեջ: Հաբեթն ունի երկարաժամկետ աշխատանքային փորձ վիճակագրական վերլուծությունների և բիզնես խորհրդատվության ոլորտում: Ներկայումս Հայաստանի Ամերիկյան Համալսարանում դասավանդում է «Կիրառական Վիճակագրություն» առարկան: Առավել մանրամասն կարող եք ծանոթանալ այստեղ:


Դասընթացի հիմնական նպատակն է մասնակիցներին տալ անհրաժեշտ գիտելիքներ ու հմտություններ, SPSS ծրագրով առավել արդյունավետ աշխատելու համար: Դասընթացը կառուցված է համաձայն IBM SPSS-ի պաշտոնական ծրագրի, որը նախապաատրաստում է IBM SPSS Statistics Level 1 որակավորման թեսթին:  IBM SPSS Statistics Level 1 որակավորման ծրագրի և թեսթի մասին կարող եք տեղեկանալ այստեղ, թեսթի անցկացման մասին մանրամասնությունների կարող եք ծանոթանալ այստեղ:

 

Դասընթացը բաղկացած է երեք մասերից՝

  • IBM SPSS Ներածություն և ծանոթացում հիմնական գործառույթներին
  • Տվյալների կառավարում և մանիպուլյացիա
  • Վիճակագրական վերլուծությունները՝ IBM SPSS-ի միջոցով 

Դասընթացը նախատեսված է մարկետինգի, սոցիոլոգիայի, առողջապահության և այլ ոլորտներում վիճակագրական վերլուծություններով զբաղվող մասնագետների համար: SPSS-ի հետ աշխատանքային փորձը ցանկալի է, բայց ոչ պարտադիր: Դասընթացի արժեքն է 80.000 դրամ, որը ներառում է նաև մասնակիցներին հանձնվող գրականության արժեքը:  

 

Գրանցվելու համար խնդրում ենք լրացնել համապատասխան հայտը` մինչև մարտի 12-ը, 2015թ.: Խնդրում ենք գրանցվել հնարավորինս շուտ՝ հաշվի առնելով, որ տեղերը սահմանափակ են: Հարցերի դեպքում կարող եք զանգահարել մեզ +374 93 401016  հեռախոսահամարով կամ ուղարկեք նամակ [email protected] էլ. հասցեով:




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ