Ընթացիկ Նորություններ

Նորարարություններին ուղղված համաֆինանսավորվող դրամաշնորհ

«Աջակցություն ՓՄՁ զարգացմանը Հայաստանում» ծրագիրը, որը համաֆինանսավորվում է Եվրամիության, ինչպես նաև Գերմանիայի դաշնային հանրապետության տնտեսական համագործակցության և զարգացման նախարարության կողմից և իրականացվում է ԳՄՀԸ «Մասնավոր հատվածի զարգացումը Հարավայի Կովկասում» ծրագրի շրջանակում, Ձեռնարկությունների ինկուբատոր հիմնադրամի հետ համագործակցությամբ հայտարարում է դրամաշնորհային նոր մրցույթ: 

“Learn to Code! It’s Fun!” խորագրով միջոցառում եվրոպական ծրագրավորման

Հոկտեմբերի 21-ին Երևանում առաջին անգամ անցկացվեց “Learn to Code! It’s Fun!” խորագրով միջոցառում եվրոպական ծրագրավորման ամենամեծ իրադարձության՝ EU Code Week-ի շրջանակներում: Միջոցառումը նախաձեռնել էր Ձեռնարկությունների Ինկուբատոր Հիմնադրամի (EIF)  Հայ-Հնդկական ՏՀՏ Գերազանցության Կենտրոնը (AITC), միջոցառման աջակիցն էր GOOGLE-ը:

Տեխնոլոգիական ուիկենդ

10.07.2015


ՏԵԽՆՈԼՈԳԻԱԿԱՆ ՈւԻԿԵՆԴ. IBM BlueMix cloud Հեքեթոն և Slush 2015 Global Impact Accelerator մրցույթ

 

Ձեռնարկությունների ինկուբատոր հիմնադրամը IBM Ինովացիոն լուծումների և տեխնոլոգիաների կենտրոնի շրջանակում կազմակերպում է իր տեսակի մեջ յուրահատուկ տեխնոլոգիական ուիկենդ հայկական ստարտափների և թիմերի, ինչպես նաև բոլոր ստեղծագործ և նորարար երիտասարդների համար: 


Ուիկենդի ընթացքում կիրականացվեն մի շարք մրցույթներ և նորարարական լուծումների վերաբերյալ հետաքրքիր ներկայացումներ, այդ թվում՝ ԱՄՆ առաջադեմ մասնագետների կողմից կներկայացվեն WATSON և BlueMix պլատֆորմների վերաբերյալ վերջին զարգացումները: Կազմակերպվելու է 24-ժամյա Հեքեթոն (ծրագրավորման մրցույթ)՝ IBM-ի BlueMix cloud պլատֆորմի  հիման վրա, որին կմասնակցեն 2-4 հոգանոց թիմեր: Նշված պլատֆորմը թիմերին հնարավորություն կընձեռի օգտագործել IBM-ի կողմից մշակված նորագույն լուծումներ այնպիսի ոլորտներում, ինչպիսիք են արհեստական բանականությունը, սոցիալան ցանցերը, առողջապահությունը, մոբայլ տեխնոլոգիաներ և այլն: Լավագույն երկու թիմերը կստանան 500 հազարական դրամի մրցանակ, ևս մեկ թիմ կստանա երկու սմարթֆոն՝ որպես խրախուսական մրցանակ: Մասնակիցներին սպասվում են նաև այլ անակնկալներ:  


Ուիկենդի ընթացքում, առաջին անգամ Հայաստանում կկազմակերպվի Slush 2015 Global Impact Accelerator-ի լոկալ մրցույթը հայկական ստարտափների համար: Slush-ը նորաստեղծ նորարար ընկերությունների (start-up) և տեխնո-տաղանդների համար նախատեսված ամենամյա միջազգային տեխնոլոգիական կոնֆերանս է, որի ընթացքում կազմակերպվում են հանդիպումներ միջազգային առաջատար ներդրողների, ղեկավարների և մեդիայի հետ, ինչը հնարավորություն է ընձեռում ՏՏ ոլորտի ընկերություններին զարգացնել իրենց բիզնեսը: 2015 թվականին Slush միջազգային մրցույթը տեղի կունենա նոյեմբերի 11-12-ը Ֆինլանդիայի մայրաքաղաք Հելսինկիում, որին կմասնակցի նաև նշված լոկալ մրցույթի հաղթողը:


Միջոցառումը կկայանա ս.թ. հուլիսի 11-ից 12-ը Այբ ավագ դպրոցի տարածքում: Տեխնոլոգիական ուիքենդի հովանավորներն են <<Նիկիտա Մոբայլ>> և <<Ռոստելեկոմ Հայաստան>> ընկերություններն ու <<Զանգեզուրի պղնձամոլիբդենային կամբինատ>> բարեգործական հիմնադրամը:

 

IBM Ինովացիոն լուծումների և տեխնոլոգիաների կենտրոնը (ISTC) IBM ընկերության, ԱՄՆ ՄԶԳ-ի (USAID), ՀՀ կառավարության և «Ձեռնարկությունների ինկուբատոր» հիմնադրամի (EIF) համատեղ ծրագիր է, որի առաջնային նպատակն է տրամադրել նորարարական տեխնոլոգիական լուծումներ և ռեսուրսներ IBM-ի կողմից՝ համապատասխան դասընթացների և գիտահետազոտական աշխատանքների իրականացման ու բիզնեսի զարգացման համար:




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ