Ընթացիկ Նորություններ

ԱՍՊԻՐԱՆՏՆԵՐԻ ԱՋԱԿՑՈՒԹՅԱՆ ԾՐԱԳԻՐ

ՀԱՅՏԱՐԱՐՈՒԹՅՈՒՆ

Ասպիրանտների աջակցության ծրագիր

 

ՀՀ համալսարանների և գիտահետազոտական ինստիտուտների ասպիրանտները հրավիրվում են մասնակցելու PMI Science -ի աջակցությամբ Ձեռնարկությունների Ինկուբատոր Հիմնադրամի կողմից իրականացվող Ասպիրանտների աջակցության ծրագրին (PhD Support Program)։

ՀԵՏԱԶՈՏԱԿԱՆ ԱՇԽԱՏԱՆՔՆԵՐԻ ՖԻՆԱՆՍԱՎՈՐՄԱՆ ԾՐԱԳԻՐ

ՀԱՅՏԱՐԱՐՈՒԹՅՈՒՆ

Հետազոտական Աշխատանքների Ֆինանսավորման Ծրագիր

ՀՀ համալսարանների և գիտահետազոտական ինստիտուտների հետազոտական  թիմերը հրավիրվում են մասնակցելու PMI Science -ի աջակցությամբ Ձեռնարկությունների ինկուբատոր հիմնադրամի կողմից   իրականացվող Հետազոտական աշխատանքների ֆինանսավորման (Faculty Research Funding) ծրագրին։

Գյումրիի տեղեկատվական տեխնոլոգիաների կենտրոնը 10 տարեկան է

03.08.2015

Գյումրիի տեղեկատվական տեխնոլոգիաների կենտրոնը 10 տարեկան է


Օրերս լրացավ Գյումրիի տեղեկատվական տեխնոլոգիաների կենտրոնի հիմնադրման 10-ամյակը: Այն ստեղծվել է 2005թ. Ձեռնարկությունների Ինկուբատոր Հիմնադրամի, Հայ Օգնության Ֆոնդի և Շիրակ Տեխնոլոգիաներ ՍՊԸ-ի համատեղ ջանքերով: 10 տարիների ընթացքում կենտրոնն արդեն պատրաստել է 300 մրցունակ կադրեր տեղեկատվական տեխնոլոգիաների շուկայում, որոնց 95% ապահովված է աշխատանքով: Կենտրոնն իր հիմնադրման օրվանից աշխատում է ապակենտրոնացնել տեղեկատվական տեխնոլոգիաների շուկան Երևանից Գյումրի՝ նպաստելով երկրի տնտեսության հզորացմանը և երկրում ՏՏ բնագավառի առաջխաղացմանը: 


10-ամյակին նվիրված տոնական միջոցառում էր կազմակերպվել Գյումրու տեխնոլոգիական կենտրոնում (ԳՏԿ), որի շրջանակում բարձրաստիճան հյուրերի, կենտրոնի գործընկեր կազմակերպությունների ներկայացուցիչների ու ոլորտի առաջատար մասնագետների ներկայությամբ ավարտական վկայականներ հանձնվեցին ԳՏՏԿ-ի երկամյա կրթական ծրագրի, երեկոյան և ավագ դպրոցականների համար կազմակերպվող նեղ մասնագիտական դասընթացների շրջանավարտներին: Կենտրոնի կողմից շնորհակալագրեր հանձնվեցին ՀՕՖ-ին, Ձեռնարկությունների ինկուբատոր հիմնադրամին և այլ գործընկեր կազմակերպություններին՝ արդյունավետ համագործակցության և ոլորտի զարգացմանը նպաստելու համար:


Միջոցառումը ընթացքում հավաստագրեր ստացան նաև Ձեռնարկությունների ինկուբատոր հիմնադրամի, “Դ-Լինկ” ընկերության և Գյումրիի տեղեկատվական տեխնոլոգիաների կենտրոնի կողմից համատեղ կազմակերված Linux օպերացիոն համակարգի և C ծրագրավորման լեզվի մասնագիտացված դասընթացի մասնակիցները: Այս դասընթացին բարձր առաջադիմություն ցուցաբերած մասնակիցները հնարավորություն կունենան պրակտիկայի և աշխատանքի անցնելու “Դ-Լինկ” ընկերությունում:


Գյումրիի տեղեկատվական տեխնոլոգիաների կենտրոնի հաջողությունը նախապայմաններից մեկն էր Գյումրիում տեխնոլոգիական կենտրոնի ստեղծման համար: Արդեն 2014 թվականին Գյումրու տեխնոլոգիական կենտրոնը սկսեց գործել ժամանակակից և նորակառույց շենքում, որտեղ էլ այսօր տեղակայված են և ակտիվ գործունեություն են ծավալում շուրջ 20 կազմակերպություններ, որոնց թվում նաև Գյումրիի տեղեկատվական տեխնոլոգիաների կենտրոնը:





Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ | ԲԼՈԳ