Ընթացիկ Նորություններ

Ֆակուլտետային հետազոտական մրցանակաբաշխություն

ՀՀ ֊ում գործող համալսարանները և հետազոտական ինստիտուտները հրավիրվում են մասնակցելու Ֆակուլտետային հետազոտական մրցանակաբաշխությանը:

STEP «Գաղափարից դեպի բիզնես» դրամաշնորհային մրցույթ 2018

13.11.2018

Ձեռնարկությունների ինկուբատոր հիմնադրամը (ՁԻՀ) և ՀՀ տրանսպորտի, կապի և տեղեկատվական տեխնոլոգիաների նախարարությունը հրավիրում են բոլոր հետաքրքրված նորարարներին, սկսնակ թիմերին (startups), գիտնականներին և տեխնոլոգիական ոլորտի ձեռներեցներին մասնակցելու STEP ծրագրի «Գաղափարից դեպի բիզնես» ամենամյա մրցույթին:

ԱրմԹեք համաժողովի հատուկ նիստ` Ստեփանակերտում

13.10.2015


ԱրմԹեք համաժողովի հատուկ նիստ հոկտեմբերի 14-ին` Ստեփանակերտում


Հոկտեմբերի 14-ին, Ստեփանակերտի Վալլեքս Գարդեն հյուրանոցում առաջին անգամ տեղի կունենա «ԱրմԹեք Կոնգրես 2015» համաժողովի արցախյան հատուկ նիստը: Այն կմեկնարկի ժամը 11:00-ից:  
Համաժողովի նպատակն է բարձրացնել հետաքրքրությունը Արցախի տեխնոլոգիական ոլորտի նկատմամբ՝ երիտասարդությանը հաղորդակից դարձնելով ոլորտի ձեռքբերումներին և սկսնակ ընկերությունների հաջողություններին: Միջոցառման օրակարգում ներառված են հետևյալ թեմաները.

  • ՏՏ ոլորտը Արցախում. զարգացման միտումները
  • Կրթության և սթարթափ աքսելերացիա:

Միջոցառմանը մասնակցելու են առաջատար տեխնոլոգիական ընկերությունների ղեկավարներ, բարձրաստիճան պետական պաշտոնյաներ, ԼՂՀ երիտասարդ ՏՏ մասնագետներ, ուսանողներ:


Համաժողովի կազմակերպիչներն են ԼՂՀ կառավարությունը, ՀՀ կառավարությունը և Ձեռնարկությունների ինկուբատոր հիմնադրամը, հովանավորներն են Քրոնիմետ բարեգործական հիմնադրամն ու Ամերիկայի Հայ օգնության ֆոնդը, գործընկերները՝ Լոկատոր, Սիներջի Ինթրնեշնըլ Սիսթըմզ, Թեքնոլոջի ընդ Սայենս Դայնամիքս, Ֆայնբեռգ, Գրին Թրավել ընկերությունները, Վալլեքս Գարդեն և Արմենիա հյուրանոցները, Ինտելեկտուալ Ռենեսանս հիմնադրամը։ Ինֆորմացիոն հովանավորն է Մեդիատոնը։


Հիշեցնենք, որ հոկտեմբերի 12-ին, Երևանում, ՀՀ Վարչապետի բարձր հովանու ներքո, կայացավ 8-րդ ամենամյա գործարար Արմթեք համաժողովը, որի նպատակն է նպաստել Հայաստանի բարձր տեխնոլոգիաների ոլորտի զարգացմանը և ներգրավել այդ գործընթացին նոր մասնակիցների ու գլոբալ տեխնոլո¬գիական հանրության շրջանում նշանակալի դերակատարում ունեցող ներկայացուցիչների: 




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ | ԲԼՈԳ