Ընթացիկ Նորություններ

Նորարարություններին ուղղված համաֆինանսավորվող դրամաշնորհ

«Աջակցություն ՓՄՁ զարգացմանը Հայաստանում» ծրագիրը, որը համաֆինանսավորվում է Եվրամիության, ինչպես նաև Գերմանիայի դաշնային հանրապետության տնտեսական համագործակցության և զարգացման նախարարության կողմից և իրականացվում է ԳՄՀԸ «Մասնավոր հատվածի զարգացումը Հարավայի Կովկասում» ծրագրի շրջանակում, Ձեռնարկությունների ինկուբատոր հիմնադրամի հետ համագործակցությամբ հայտարարում է դրամաշնորհային նոր մրցույթ: 

“Learn to Code! It’s Fun!” խորագրով միջոցառում եվրոպական ծրագրավորման

Հոկտեմբերի 21-ին Երևանում առաջին անգամ անցկացվեց “Learn to Code! It’s Fun!” խորագրով միջոցառում եվրոպական ծրագրավորման ամենամեծ իրադարձության՝ EU Code Week-ի շրջանակներում: Միջոցառումը նախաձեռնել էր Ձեռնարկությունների Ինկուբատոր Հիմնադրամի (EIF)  Հայ-Հնդկական ՏՀՏ Գերազանցության Կենտրոնը (AITC), միջոցառման աջակիցն էր GOOGLE-ը:

Հայ-հնդկական ՏՀՏ գերազանցության կենտրոնում վերապատրաստվել են 640 կադրեր

26.01.2016


2015թ ընթացքում Հայ-հնդկական ՏՀՏ գերազանցության կենտրոնի ծրագրավորման դասընթացներին մասնակցել են մոտ 640 մասնակիցներ 


Տեղեկատվական տեխնոլոգիաների ոլորտի մասնագիտական կարողությունների զարգացման նպատակով 2015թ ընթացքում Ձեռնարկությունների ինկուբատոր հիմնադրամի Հայ-հնդկական ՏՀՏ գերազանցության կենտրոնն իրականացրել է մոտ 60 կարճաժամկետ և երկարաժամկետ դասընթացներ, որոնց ընդհանուր առմամբ մասնակցել են շուրջ 640 մասնակիցներ: Մասնագիտական դասընթացները կազմակերպվել են հետևյալ ուղղություններով՝ Java  ծրագրավորում, WEB ծրագրավորում, Linux Օպերացիոն Համակարգ, Android ծրագրավորում, Տվյալների Բազայի Կառավարում, Ցանցային Անվտանգություն, Share Point 2013, CISCO "CCNA անվտանգություն", C++ ծրագրավորում, Advanced Adobe Photoshop, Flash Անիմացիա, 3DsMax: գրաֆիկա և անիմացիա և այլն:  


Հայ-հնդկական ՏՀՏ ուսումնական կենտրոնը մեծ ուշադրություն է դարձնում նաև դպրոցականների կրթական ծրագրերին.  2015թ ընթացքում կենտրոնը կազմակերպել էր Ամառային Web դիզայն դպրոց 13-18 տարեկանների համար, որի ընթացքում աշակերտների համար իրականացվել են Web ծրագրավորում, գրաֆիկա և դիզայն, կարողությունների զարգացում և փորձի փոխանակման սեմինարներ: Կենտրոնը նաև աջակցել է «ՈԶՆԻ-2015» ամենամյա դպրոցական համակարգչային մրցույթին: 2015 թվականին մրցույթին մասնակցեցին 328 աշակերտներ Երևանի 28 և ՀՀ մարզերի 53 դպրոցներից: 


Կենտրոնը կազմակերպել է նաև «Բազային համակարգչային գիտելիքներ մեծահասակների համար» սոցիալական դասընթացը, որը մեծահասակներին հնարավորություն էր ընձեռում ձեռք բերել հիմնական համակարգչային գիտելիքներ:


Հայ-հնդկական ՏՀՏ գերազանցության կենտրոնը 2015թ միացել է Pearson VUE միջազգային լիզենզավորման ցանցին, որը իրականացնում է բարձր վարկանիշ ունեցող միջազգային մոտ 450 ընկերությունների (Cisco, Oracle, Microsoft, VMware, IBM, CompTIA, EMC, HP, LPI, և այլն) ծրագրավորման լիցենզավորման քննությունների սերտիֆիկացիոն թեստավորում: 


Հայ-հնդկական ՏՀՏ գերազանցության կենտրոնը հիմնվել է Հայաստանի և Հնդկաստանի կառավարությունների միջև 2009թ. հունիսին կնքված Փոխհամաձայնության հուշագրի շրջանակում: Կենտրոնի հիմնական առաքելությունն է Հայաստանում ստեղծել ՏՀՏ մասնագիտական ուսուցման և այդ ոլորտում գիտահետազոտական աշխատանքների իրականացման համար հատուկ միջավայր, որը մեծապես կնպաստի երկրում համաշխարհային մակարդակի բարձրակարգ ՏՀՏ ոլորտի աշխատուժի զարգացմանը: 




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ