Ընթացիկ Նորություններ

Ֆակուլտետային հետազոտական մրցանակաբաշխություն

ՀՀ ֊ում գործող համալսարանները և հետազոտական ինստիտուտները հրավիրվում են մասնակցելու Ֆակուլտետային հետազոտական մրցանակաբաշխությանը:

STEP «Գաղափարից դեպի բիզնես» դրամաշնորհային մրցույթ 2018

13.11.2018

Ձեռնարկությունների ինկուբատոր հիմնադրամը (ՁԻՀ) և ՀՀ տրանսպորտի, կապի և տեղեկատվական տեխնոլոգիաների նախարարությունը հրավիրում են բոլոր հետաքրքրված նորարարներին, սկսնակ թիմերին (startups), գիտնականներին և տեխնոլոգիական ոլորտի ձեռներեցներին մասնակցելու STEP ծրագրի «Գաղափարից դեպի բիզնես» ամենամյա մրցույթին:

Հանրահայտ CARFAX ծառայությունը՝ արդեն Հայաստանում

18.02.2015

Հանրահայտ CARFAX ծառայությունը՝ արդեն Հայաստանում


Հայաստանում պաշտոնապես գործարկվել է հանրահայտ CARFAX ծառայությունը, որը հնարավորություն է տալիս ԱՄՆ-ից ավտոմեքենա ներմուծողներին և գնորդներին պաշտոնապես հարցում անել և տեղեկանալ մեքենայի պատմությանը: Ծառայության շնորհիվ հնարավոր է տեղեկանալ, թե ավտոմեքենան քանի սեփականատեր է ունեցել, քանի մղոն է քշվել, ինչպիսի վթարների և վերանորոգումների է ենթարկվել և այլն: Հայաստանում այս ծառայությունը ներկայացնում է 4car.am վարորդական կայքը՝ որպես CARFAX ընկերության պաշտոնական գործընկերը Հայաստանում: 


Ըստ 4car.am-ի պատասխանատուների, այս ծառայությունը հնարավորություն կտա ԱՄՆ-ից ավտոմեքենաներ ներկրողներին կամ դրանց գնորդներին առավել հստակ իմանալ ընտրված մեքենաների իրական պատմությունը և առավել արդյունավետ գնային որոշումներ կայացնել: 


“CARFAX ծառայության տրամադրումը հայաստանյան վարորդներին մեկ պատուհանի սկզբունքով համապարփակ ծառայություններ մատուցելու մեր մոտեցման մաս է կազմում: Շուտով կհետևեն ևս մի քանի նոր ծառայություններ, ներառյալ ավտոմեքենաների գույքահարկի օնլայն հարցում և վճարում, պետհամարանիշների հարցում բջջային հեռախոսով և այլն”,-նշում է 4car.am-ը ստեղծող Դրայվթեք ընկերության տնօրեն Լևոն Եղյանը: 


4car.am-ը Հայաստանի ամենամեծ վարորդական հարթակն է, որն իր տասնյակ հազարավոր օգտատերերին առաջարկում է այնպիսի անհրաժեշտ ծառայություններ, ինչպես բջջային հեռախոսով և օնլայն երթևեկության խախտումների ծանուցումը, կայանատեղիների գնումը, օնլայն ընդարձակ ավտոշուկա ուր անհատները և դիլերները վաճառում են հազարավոր նոր և օգտագործված ավտոմեքենաներ, ավտոդպրոց՝ թեսթերով և վարորդական խաղերով, երթևեկությանն առնչվող օրենքներն ու կանոնները, և այլն: 4car.am-ը ստեղծվել է 2012թ.-ին Մայքրոսոֆթ ինովացիոն կենտրոնի երիտասարդ մասնագետների կողմից՝ Նիկիտա Մոբայլ ընկերության աջակցությամբ: 


Հիշեցնենք, որ Հայաստանի Մայքրոսոֆթ Ինովացիոն կենտրոնը, որը 2011թ.հիմնադրվել է ԱՄՆ Միջազգային զարգացման գործակալության (USAID), Մայքրոսոֆթ կորպորացիայի և Ձեռնարկությունների Ինկուբատոր հիմնադրամի համատեղ ջանքերով, տեղական ՏՏ համայնքներին տրամադրում է ծրագրեր և ծառայություններ` աշխատուժի հմտությունների զարգացման, աշխատատեղերի ստեղծման, տեղական սկսնակ ընկերությունների ստեղծման և զարգացման, նորարարության ամրապնդման և մրցակցության բարելավման նպատակով:




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ | ԲԼՈԳ