Ընթացիկ Նորություններ

STEP «Գաղափարից դեպի բիզնես» դրամաշնորհային մրցույթ 2018

13.11.2018

Ձեռնարկությունների ինկուբատոր հիմնադրամը (ՁԻՀ) և ՀՀ տրանսպորտի, կապի և տեղեկատվական տեխնոլոգիաների նախարարությունը հրավիրում են բոլոր հետաքրքրված նորարարներին, սկսնակ թիմերին (startups), գիտնականներին և տեխնոլոգիական ոլորտի ձեռներեցներին մասնակցելու STEP ծրագրի «Գաղափարից դեպի բիզնես» ամենամյա մրցույթին:

«Արդյունաբերական և համակարգային ինժեներություն» պիլոտային ծրագիր

Հայաստանի ազգային պոլիտեխնիկական համալսարանը (ՀԱՊՀ),  Հայաստանի ազգային ճարտարագիտական լաբորատորիաները (ՀԱՃԼ), Ձեռնարկությունների ինկուբատոր հիմնադրամի (ՁԻՀ), Ինժեներական քաղաքի հետ համատեղ և PMI Science-ի օժանդակությամբ ձեռնարկում են աննախադեպ ծրագրի իրականցում։

 

2018-2019 ուս. տարվա համար հայտարարվում է «Արդյունաբերական և համակարգային ինժեներություն» պիլոտային ծրագրի մեկնարկը, որին մասնակցելու համար կարող են հավակնել Տեղեկատվական և հեռահաղորդակցության տեխնոլոգիաների և էլեկտրոնիկայի ինստիտուտի առաջին և երկրորդ կուրսի առկա մագիստրոսական կրթական ծրագրով ուսանող այն անձիք,  ում ՄՈԳ-ը կազմում է 80 և ավելի:

Նախաձեռնության նպատակն է պոլիտեխնիկական համալսարանում կրթել ինժեներների նոր սերունդ՝ ոլորտի աջակցությամբ մշակված կրթական ծրագրի շրջանակներում։

Ինչու՞ ՁԻՀ

Որպես տեխնոլոգիական ինկուբատոր և խորհրդատվական կազմակերպություն ՁԻՀ-ն իրականացնում է բազմաբնույթ գործառույթներ: Ենթակառուցվածքների զարգացման ծրագրեր մշակելու և իրականացնելու հարուստ փորձի հետ մեկտեղ մենք առաջարկում ենք բիզնեսի ինկուբացիա, առաջխաղացում և խորհրդատվություն՝ ծառայությունների հազվադեպ համադրություն, ինչի շնորհիվ ՁԻՀ-ն արժեքավոր գործընկեր է թե՛ պետական, և թե՛ մասնավոր հատվածների ներկայացուցիչների համար:


Պետական կառույցներ և միջազգային կազմակերպություններ
Պետական և մասնավոր հատվածների համագործակցությանն ուղղված համապետական ծրագրերի մշակման և իրականացման մեր հարուստ փորձի, ինչպես նաև միջազգային և տարածաշրջանային կարևոր գործընկերների մեր լայն ցանցի շնորհիվ մենք կարող ենք դառնալ արժեքավոր գործընկեր պետական կառույցների և միջազգային կազմակերպությունների համար: Մենք ունենք ՏՀՏ ոլորտի բարեփոխումների, տեխնոպարկերի և բիզնես ինկուբատորների հիմնադրման և էլեկտրոնային կառավարման համակարգերի ներդրման մեծ փորձ: Մեր կարևորագույն առավելություններից մեկն այն է, որ խորապես պատկերացնում ենք անցումային տնտեսության առանձնահատկություններն ու զարգացման մոդելները, և առաջարկում ենք համագործակցության առավելագույնս շահավետ պայմաններ: 

 

Տե՛ս նաև. 

Հայաստանում ներդրումներ նախատեսող ընկերություններ
Մենք կարևորում ենք երկարատև հարաբերությունների հաստատումը տեղական ու արտերկրյա այն կազմակերպությունների ու անհատների հետ, ովքեր հետաքրքրված են ներդրումներ կատարել կամ համագործակցային հարաբերություններ ստեղծել հայաստանյան ՏՀՏ ընկերությունների հետ: Մենք աշխատում ենք Հայաստանի բազմաթիվ տեխնոլոգիական ընկերությունների հետ և կարող ենք հանդիսանալ գլխավոր կապօղակ արդյունավետ համագործակցություն սկսելու համար: Միասին մենք կարող ենք ուսումնասիրել շուկան, բացահայտել առկա լավագույն հնարավորությունները և հանդիպել համապատասխան կողմերին՝ Ձեր ծրագրերի հաջող իրականացման համար:

 

Տե՛ս նաև. 
 

Հայաստանյան ընկերություններ
Մենք ստեղծել ենք իրավական, ֆինանսական, կառավարման և մարքեթինգի գծով փորձառու մասնագետներից կազմված մի թիմ, որը տեղական ընկերություններին տրամադրում է ժամանակի պահանջներին համապատասխան խորհրդատվություն: Մենք օգնում ենք ընկերություններին գտնելու գործընկերներ և ներդրողներ ողջ աշխարհում: Վենչուրային ֆոնդերի, ՏՀՏ միությունների և վերազգային ձեռնարկությունների մեր միջազգային ցանցի միջոցով մենք կստեղծենք հնարավորություն՝ օգտվելու նորարարության զարգացման խթանիչներից: Մենք կօգնենք բացահայտել տաղանդավոր երիտասարդ կադրեր, ինչպես նաև վերապատրաստել Ձեր տեխնոլոգիական և կառավարման մասնագետներին: Ձեր ընկերության մրցունակությունն ու արդյունավետությունը  մեր գործունեության առանցքային մասն է կազմում:

 

Տե՛ս նաև. 


Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ | ԲԼՈԳ